ദമാം: ഒരു വ്യാഴവട്ട ത്തിലേറെ കാലം കേരള വിദ്യാഭ്യാസ വകുപ്പ് ഭരിച്ച സി എച്ച് മുഹമ്മദ് കോയ സാഹിബിന്റെ സംഭാവനകൾ കേരളീയ നവോത്ഥാന ചരിത്രത്തിൽ എന്നും സ്മരിക്കപ്പെടുമെന്ന് ഒ ഐ സി സി ഗ്ലോബൽ വൈസ് പ്രസിഡൻറ് സി അബ്ദുൽ ഹമീദ് അഭിപ്രായപ്പെട്ടു. ദാർശനികനായ സി എച്ചിന്റെ ഭരണ നിപുണത ഫലപ്രാപ്തി യിലേക്കുള്ള രാഷ്ട്രീയ രസതന്ത്രമായിരുന്നു വെന്നും പതിറ്റാണ്ടുകളുടെ ദീർഘ വീക്ഷണമായി കോഴിക്കോട് കോർപ്പറേഷൻ, മലപ്പുറം ജില്ല, കോഴിക്കോട് സർവ്വകലാശാല, കൊച്ചി ശാസ്ത്ര സാങ്കേതിക സർവ്വകലാശാല തുടങ്ങിയ പദ്ധതികളിലൂടെ കേരളത്തിന് അനുഭവപ്പെടുന്നതെന്നും അദ്ദേഹം കൂട്ടിച്ചേർത്തു. സി എച്ചി ന്റെ ആശയമായിരുന്ന ഹൈസ്കൂൾ വരെയുള്ള സൗജന്യ വിദ്യാഭ്യാസവും പെൺകുട്ടികളുടെ വിദ്യാഭ്യാസത്തിന് പിന്നോക്ക വിഭാഗങ്ങൾക്കുള്ള സ്കോളർഷിപ്പും കേരളത്തിൻറെ സാമൂഹിക സാംസ്കാരിക രംഗത്തും സ്ത്രീ ശാക്തീകരണ രംഗത്തും വലിയ കുതിച്ചുചാട്ടമാണ് സൃഷ്ടിച്ചതെന്നും അദ്ദേഹം കൂട്ടിച്ചേർത്തു.

     അൽഖോബാർ കെഎംസിസി സെൻട്രൽ കമ്മിറ്റി പ്രസിഡൻറ് സിദ്ധീഖ് പാണ്ടികശാല അധ്യക്ഷത വഹിച്ച അനുസ്മരണ സംഗമം കിഴക്കൻ പ്രവിശ്യാ പ്രസിഡൻറ് മുഹമ്മദ് കുട്ടി കോടൂര്‍ ഉദ്ഘാടനം ചെയ്തു. ആലിക്കുട്ടി, സാജിദ് ആറാട്ടുപുഴ, മുജീബ് കളത്തിൽ, അഷ്റഫ് ആളത്ത്‌, സുബൈര്‍ ഉദിനൂര്‍, സുലൈമാൻ കൂലേരി, ഖാദി മുഹമ്മദ്, മുസ്തഫ കമാൽ, സഹദ് നീലിയത്ത്‌, അബ്ദുൾ അസീസ് കത്തറമ്മൽ, സലാംഹാജി കുറ്റിക്കാട്ടൂർ, ഹമീദ് വടകര എന്നിവർ സംസാരിച്ചു. ജനറൽ സെക്രട്ടറി സിറാജ് ആലുവ സ്വാഗതവും ട്രഷറർ നജീബ് ചീക്കിലോട് നന്ദിയും പറഞ്ഞു.