ന്യുഡല്‍ഹി: അനിശ്ചിതത്വങ്ങള്‍ക്കിടയില്‍ കെ സുധാകരനെ അനുനയിപ്പിച്ച് കോണ്‍ഗ്രസ് നേതൃത്വം. കോണ്‍ഗ്രസില്‍ നിന്ന് പുറത്തുപോവില്ലെന്നും, പാര്‍ട്ടിയില്‍ തുടരുമെന്നും കെ സുധാകരന്‍ പറഞ്ഞു. തന്നെക്കാള്‍ എത്രയോ വലുതാണ് കോണ്‍ഗ്രസെന്നും, പൂര്‍ണമായും പാര്‍ട്ടിക്ക് വിധേയനായി തുടരുമെന്നും കെ സുധാകരന്‍ പറഞ്ഞു. 

'പാര്‍ട്ടിയില്‍ തുടരും. സ്ഥാനാര്‍ഥിത്വം നിഷേധിച്ചെന്ന് കരുതി പാര്‍ട്ടിയില്‍ നിന്ന് പുറത്തുപോവില്ല, പാര്‍ട്ടി എന്നെ പുറത്താക്കിയിട്ടില്ലല്ലോ? പാര്‍ട്ടിയുടെ അംഗീകാരം കിട്ടുമെങ്കില്‍ മത്സരിക്കും, ഇല്ലെങ്കില്‍ ഇല്ല. 

പാര്‍ട്ടിയെ വെല്ലുവിളിക്കാനൊന്നും ഞാനില്ല. പാര്‍ട്ടി എത്രയോ വലുതാണ്. ഞാന്‍ എത്രയോ ചെറുതാണ്. പൂര്‍ണമായും പാര്‍ട്ടിക്ക് വിധേയനായി തുടരും,' കെ സുധാകരന്‍ പറഞ്ഞു.