കാസര്‍കോട്: കാസര്‍കോട് ചേര്‍ന്ന ലയന സമ്മേളനത്തില്‍ പ്രമുഖ ഭിന്നശേഷി സംഘടനയായ ഡിഫറന്റ്‌ലി എബിള്‍ഡ് വെല്‍ഫയര്‍ സെന്റര്‍ കാസര്‍കോട് ഘടകം ഡിഫറന്റ്‌ലി എബിള്‍ഡ് പീപ്പിള്‍സ് കോണ്‍ഗ്രസില്‍ ലയിച്ചു.
സമ്മേളനം ഡി.സി.സി പ്രസിഡന്റ് ഹക്കീം കുന്നില്‍ ഉദ്ഘാടനം ചെയ്തു. ഡി.എ.പി.സി ജില്ലാ പ്രസിഡന്റ് ജയന്‍ ഉദുമ അധ്യക്ഷനായി. സലീം റാവുത്തര്‍ മുഖ്യപ്രഭാഷണം നടത്തി.
പുതിയ ജില്ലാ കമ്മിറ്റി പ്രസിഡന്റായി ജയന്‍ ഉദുമയെയും ജനറല്‍ സെക്രട്ടറിയായി ഷെക്കീബ് മാക്കോടിനെയും തിരഞ്ഞെടുത്തു. ഹനീഫ് മൗലവി, സരോജിനി ചെറുവത്തൂര്‍, ബാബു പള്ളിക്കര, ദാക്ഷായണി, ഇബ്രാഹിം മുന്നൂര്‍ (വൈസ് പ്രസിഡന്റുമാര്‍), നവാസ് മഞ്ചേശ്വരം, നബീസ മണിമുണ്ട, രാജേന്ദ്രന്‍ പുലിക്കുന്ന്, ലോഹിദാക്ഷന്‍ (സെക്രട്ടറിമാര്‍), അബ്ദുള്‍ റസാഖ് (ട്രഷറര്‍) എന്നിവരാണ് മറ്റു ഭാരവാഹികള്‍.