സീതാംഗോളി: കട്ടത്തടുക്കയില്‍ പട്ടാപ്പകല്‍ വീടു കുത്തിത്തുറന്ന് സ്വര്‍ണാഭരണവും പണവും കവര്‍ന്നു. കട്ടത്തടുക്ക ഉപ്പയിലെ ഹേമലതയുടെ വീട്ടിലാണു കവര്‍ച്ച നടന്നത്.
അങ്കണവാടി ജീവനക്കാരിയാണ് ഹേമലത. ശനിയാഴ്ച രാവിലെ വീടു പൂട്ടി അങ്കണവാടിയിലേക്കു പോയതായിരുന്നു. വൈകിട്ട് തിരിച്ചെത്തിയപ്പോഴാണു വീടിന്റെ പിറകുവശത്തെ വാതിലിന്റെ പൂട്ട് പൊളിച്ചനിലയില്‍ കണ്ടത്.
അലമാരയില്‍ സൂക്ഷിച്ച രണ്ടേകാല്‍ പവന്‍ സ്വര്‍ണാഭരണവും പതിനായിരം രൂപയുമാണ് കവര്‍ന്നത്. ഹേമലതയുടെ പരാതിയില്‍ കുമ്പള പൊലിസ് കേസെടുത്തു.