ഗസ്സ: ഇസ്‌റാഈല്‍ വെടിവയ്പില്‍ പരുക്കേറ്റ ഫലസ്തീന്‍ കൗമാരക്കാരന്‍ കൊല്ലപ്പെട്ടു. ഗസ്സയിലെ റഫയില്‍ വെള്ളിയാഴ്ച നടന്ന പ്രതിഷേധത്തിനിടെ സൈന്യത്തിന്റെ വെടിയേറ്റ അഹമ്മദ് അബു തയൂര്‍ (17) ആണ് കൊല്ലപ്പെട്ടതെന്ന് ഫലസ്തീന്‍ ആരോഗ്യ മന്ത്രാലയം അറിയിച്ചു.പ്രതിഷേധത്തില്‍ 15 കുട്ടികള്‍ ഉള്‍പ്പെടെ 210 പേര്‍ക്ക് പരുക്കേറ്റിരുന്നു. സൈന്യത്തിന്റെ വെടിവയ്പില്‍ കഴിഞ്ഞ ദിവസം ബിലാല്‍ മുസ്തഫ ഖഫജ(17) കൊല്ലപ്പെട്ടിരുന്നു.
ഇസ്‌റാഈല്‍ അധിനിവേഷത്തിനെതിരേ മാര്‍ച്ച് 30 മുതല്‍ ആരംഭിച്ച പ്രതിഷേധത്തില്‍ ഇതുവരെ 168 പേര്‍ കൊല്ലപ്പെട്ടു. 18000 പേര്‍ക്ക് പരുക്കേറ്റു. 1948ല്‍ മുതല്‍ പിടിച്ചെടുത്ത പ്രദേശങ്ങള്‍ തിരിച്ചുനല്‍കണമെന്ന് ആവശ്യപ്പെട്ടാണ് ഗസ്സ അതിര്‍ത്തിയില്‍ പ്രതിഷേധം നടത്തുന്നത്.