കോഴിക്കോട്: യശ്വന്ത്പൂര്‍-കണ്ണൂര്‍ എക്‌സ്പ്രസിന്റെ യാത്രാസമയം പഴയ രീതിയിലേക്ക് മാറ്റണമെന്നാവശ്യപ്പെട്ട് എം.കെ രാഘവന്‍ എം.പി സതേണ്‍ റേയില്‍വേ ജനറല്‍ മാനേജര്‍ ആ.കെ കുല്‍ശ്രേഷ്ടക്ക് സന്ദേശമയച്ചു. ട്രെയിനിന്റെ സമയമാറ്റം ചെന്നൈ-മംഗലാപുരം സൂപ്പര്‍ ഫാസ്റ്റ് മെയിലിന്റെ കൃത്യതയ്ക്ക് വേണ്ടിയാണെന്നായിരുന്നു റെയില്‍വേ അധികൃതര്‍ അറിയിച്ചിരുന്നത്.
ചെന്നൈയില്‍നിന്ന് കേരളത്തിലേക്ക് ഏഴോളം ട്രെയിനുകളുടെ സര്‍വിസ് നിലനില്‍ക്കേ, ചെന്നൈയോളം തുല്യജനസംഖ്യയുള്ള ബാംഗളൂര്‍-മംഗലാപുരം (പാലക്കാട് വഴി) റൂട്ടില്‍ ട്രെയിന്‍ വൈകിപ്പിക്കുന്നത് യാത്രക്കാര്‍ക്ക് ബുദ്ധിമുട്ടുളവാക്കുന്നുണ്ടെന്നും എം.പി ചൂണ്ടിക്കാട്ടി. തീരുമാനം റയില്‍വേക്ക് നഷ്ടമുണ്ടാക്കുന്നതും, ബസ് ഉടമകള്‍ക്ക് ലാഭമുണ്ടാക്കുന്നതുമാണ്. ഓഗസ്റ്റ് 15 മുതല്‍സമയമാറ്റത്താല്‍ പാലക്കാട് മുതല്‍ കണ്ണൂര്‍വരെ ട്രെയിന്‍ വളരെ വൈകിയാണ് ഓടിയിരുന്നതെന്നും എം.പി സൂചിപ്പിച്ചു.