തിരുവനന്തപുരം: ലോക്‌സഭാ തെരഞ്ഞെടുപ്പിലെ ഉജ്വല വിജയത്തിന് നന്ദി രേഖപ്പെടുത്താന്‍ ജൂണ്‍ ആദ്യവാരം രാഹുല്‍ ഗാന്ധി വയനാട്ടില്‍ എത്തുമെന്ന് രമേശ് ചെന്നിത്തല വാര്‍ത്താസമ്മേളനത്തില്‍ പറഞ്ഞു.
ജൂണ്‍ ഒന്നിന് കേരളത്തിലെ എല്ലാ പഞ്ചായത്തിലും യു.ഡി.എഫ് വിജയദിനം ആഘോഷിക്കും. ജൂണ്‍ പത്തിന് മുന്‍പ് യു.ഡി.എഫ് ജില്ലാ കമ്മിറ്റികള്‍ തെരഞ്ഞെടുപ്പ് വിജയം അവലോകനം ചെയ്യും. ജൂണ്‍ 15ന് ഒരു ദിവസം നീണ്ടുനില്‍ക്കുന്ന യു.ഡി.എഫ് യോഗം ചേരുമെന്നും അദ്ദേഹം പറഞ്ഞു.