ക്രാഷ് ടെസ്റ്റില്‍ റിനോള്‍ട്ട് ഡസ്റ്ററിന്റെ ഇന്ത്യന്‍ നിര്‍മ്മിത കാറിന് ഒരു സ്റ്റാറും ലഭിച്ചില്ല. എന്‍.സി.എ.പിയുടെ ക്രാഷ് ടെസ്റ്റിലാണ് ഡസ്റ്ററിന്റെ ബേസ് മോഡല്‍ പൊട്ടിയത്. ഇന്ത്യന്‍ നിര്‍മിത കാറുകളുടെ 2017 ലെ രണ്ടാം ഘട്ട ടെസ്റ്റാണ് ഇപ്പോള്‍ നടന്നത്.

ഒന്നാം ഘട്ടത്തില്‍ ഷെവര്‍ലെ എന്‍ജോയ്, ഫോര്‍ഡ് ഫിഗോ ആസ്പയര്‍ എന്നിവയാണ് ടെസ്റ്റിന് വിധേയമാക്കിയത്. ഇന്ത്യയില്‍ ജനപ്രിയമായ കാറുകളെ 2014 മുതല്‍ ക്രാഷ് ടെസ്റ്റ് ചെയ്തുവരികയാണ് എന്‍.സി.എ.പി.

ഡ്രൈവറുടെ വശത്ത് എയര്‍ബാഗുള്ള മോഡലുകള്‍ക്ക് 3 സ്റ്റാര്‍ ലഭിച്ചിട്ടുണ്ട്. നിലവില്‍ ഇന്ത്യന്‍ മാനദണ്ഡപ്രകാരം മുന്‍വശ ക്രാഷ് ടെസ്റ്റിന് 48 കിലോ മീറ്റര്‍ സ്പീഡാണ് നിര്‍ദേശിക്കുന്നത്. അതേസമയം, യു.എന്നിന്റെ 56 കിലോ മീറ്റര്‍ സ്പീഡ് പരിധിയിലേക്ക് ഇന്ത്യ മാറാനിരിക്കുകയാണിപ്പോള്‍. 64 കിലോമീറ്റര്‍ സ്പീഡിലാണ് എന്‍.സി.എ.പി ക്രാഷ് ടെസ്റ്റ് നടത്തിയത്.