കൊല്ലം: ഇരവുപുരം കാക്കത്തോപ്പു മുതല്‍ ബീച്ച് വരെ പുലിമുട്ട് നിര്‍മാണം പൂര്‍ത്തിയാക്കാത്തത്‌കൊണ്ട് വരുന്ന മഴക്കാലത്ത് വന്‍ കടല്‍ക്ഷോഭം ഉണ്ടാകാന്‍ സാധ്യത നിലനില്‍ക്കുന്ന സാഹചര്യത്തില്‍ മത്സ്യതൊഴിലാളി കുടുംബങ്ങളുടെ ജീവനും സ്വത്തിനും സംരക്ഷണം നല്‍കാന്‍ സര്‍ക്കാര്‍ അടിയന്തിരമായി ഇടപെടണമെന്ന് മത്സ്യതൊഴിലാളി കോണ്‍ഗ്രസ് ജില്ലാ പ്രസിഡന്റ് ബിജു ലൂക്കോസ് ആവശ്യപ്പെട്ടു.
 കഴിഞ്ഞ വര്‍ഷം തുടങ്ങിയ പുലിമുട്ട് നിര്‍മാണം പതിനഞ്ച് മാസമായിട്ടും പൂര്‍ത്തിയാക്കുവാന്‍ കഴിയാത്തത് പ്രതിഷേധാര്‍ഹമാണെന്നും അധികൃതരുടെ അനാസ്ഥയാണ് ഇതിന് കാരണമെന്നും അദ്ദേഹം പ്രസ്ഥാവനയിലൂടെ പറഞ്ഞു.