ന്യൂഡല്‍ഹി: നാഷനല്‍ ഹെറാള്‍ഡ് കേസുമായി ബന്ധപ്പെട്ടു കോണ്‍ഗ്രസ് നേതാക്കളായ സോണിയാഗാന്ധിയും രാഹുല്‍ ഗാന്ധിയും സമര്‍പ്പിച്ച ഹരജി ഡല്‍ഹി ഹൈക്കോടതി തള്ളി. 2011-12 വര്‍ഷം ഇരുവരും നികുതി റിട്ടേണ്‍ സമര്‍പ്പിച്ചതിന്റെ വിശദാംശങ്ങള്‍ പുനഃപരിശോധിക്കാന്‍ നേരത്തെ ആദായനികുതി വകുപ്പ് തീരുമാനിച്ചിരുന്നു. ഇതിനെതിരേ സമര്‍പ്പിച്ച ഹരജിയാണ് കോടതി തള്ളിയത്.
ആദായനികുതി വകുപ്പിന് അവ പുനഃപരിശോധിക്കാനുള്ള അധികാരമുണ്ടെന്നു ജസ്റ്റിസുമാരായ എസ്. രവീന്ദ്ര ഭട്ട്, എ.കെ ചാവഌഎന്നിവരുള്‍പ്പെട്ട ബെഞ്ച് വ്യക്തമാക്കി.
ഇതേ കാലയളവിലെ നികുതി റിട്ടേണ്‍ പുനഃപരിശോധിക്കുന്നതിനെതിരേ കോണ്‍ഗ്രസ് നേതാവ് ഓസ്‌കാര്‍ ഫെര്‍ണാണ്ടസ് നല്‍കിയ ഹരജിയും തള്ളിയിട്ടുണ്ട്.
ഹരജിക്കാര്‍ക്ക് അവരുടെ പ്രശ്‌നങ്ങള്‍ ആദായനികുതി വകുപ്പിനെ നേരിട്ട് അറിയിക്കാമെന്നു കോടതി വ്യക്തമാക്കി.