അബൂദബി: നേരിട്ടുള്ള വിദേശ നിക്ഷേപം മൂന്നിരട്ടിയായി വര്‍ധിപ്പിക്കാന്‍ യുഎഇ പുതിയ നയം പ്രഖ്യാപിച്ചു. 7 വര്‍ഷത്തിനകം 2.2 ട്രില്യന്‍ ദിര്‍ഹത്തിന്റെ നിക്ഷേപം രാജ്യത്തേക്ക് ആകര്‍ഷിക്കുകയാണ് ലക്ഷ്യം. ഉല്‍പാദനം, പുനരുപയോഗ ഊര്‍ജം തുടങ്ങിയ സുപ്രധാന വിഭാഗങ്ങളിലേക്കാണ് നിക്ഷേപം ആകര്‍ഷിക്കുക.

അബൂദബിയില്‍ നടക്കുന്ന സര്‍ക്കാര്‍ പ്രതിനിധികളുടെ വാര്‍ഷിക യോഗത്തില്‍ യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തുമാണ് പുതിയ നയം പ്രഖ്യാപിച്ചത്. മുന്‍ഗണനാ വിഭാഗങ്ങളിലേക്ക് നിക്ഷേപം ആകര്‍ഷിക്കുക, നിലവിലെ പദ്ധതികള്‍ വികസിപ്പിക്കുന്നതിനുള്ള നിക്ഷേപം, രാജ്യാന്തര പങ്കാളിത്തം വര്‍ധിപ്പിക്കുക, നിക്ഷേപകരുമായുള്ള ബന്ധം ഊര്‍ജിതമാക്കുക, യുഎഇയുടെ മൊത്തത്തിലുള്ള മത്സരക്ഷമത മെച്ചപ്പെടുത്തുക തുടങ്ങിയവയാണ് പുതിയ നയത്തിന്റെ സവിശേഷതകള്‍. 10 വര്‍ഷത്തിനകം വിദേശ നിക്ഷേപം ആകര്‍ഷിക്കുന്ന ലോകത്തെ മികച്ച 10 രാജ്യങ്ങളില്‍ ഒന്നാകാനും, ഇതുവഴി കൂടുതല്‍ പദ്ധതികളും തൊഴില്‍ അവസരങ്ങളും സൃഷ്ടിക്കുകയുമാണ് ദുബൈ ലക്ഷ്യമിടുന്നത്.

അറബ് ലോകത്ത് വിദേശ നിക്ഷേപം ആകര്‍ഷിക്കുന്ന രണ്ടാമത്തെ വലിയ രാജ്യമാണ് യുഎഇ. എണ്ണ ഇതര സാമ്പത്തിക വൈവിധ്യവല്‍ക്കരണത്തിന്റെ ഭാഗമായാണ് കൂടുതല്‍ വിദേശ നിക്ഷേപം ആകര്‍ഷിക്കുന്നത്, ഇതിന്റെ ഭാഗമായി 3068 കോടി ഡോളര്‍ വിദേശനിക്ഷേപമാണ് കഴിഞ്ഞ വര്‍ഷം യുഎഇയില്‍ എത്തിയത്. 2022ല്‍ ഇത് 2273 കോടിയായിരുന്നു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The UAE has announced an innovative policy aimed at tripling foreign investment, fostering economic growth and attracting global businesses.