അബൂദബി: ഭിന്നശേഷിക്കാരെ സംരക്ഷിക്കേണ്ടത് കുടുംബങ്ങള്‍, തൊഴിലാളികള്‍, സേവന ദാതാക്കള്‍ തുടങ്ങി എല്ലാവരുടെയും ഉത്തരവാദിത്തമാണെന്ന് അബൂദബി സാമൂഹിക വികസന വിഭാഗം (ഡിസിഡി). ഭിന്നശേഷിക്കാരുടെ സംരക്ഷണത്തിനായി പുറത്തിറക്കിയ പ്രത്യേക നയത്തിലാണ് ഇക്കാര്യം അറിയിച്ചത്.

ഇതനുസരിച്ച് മികച്ച പിന്തുണയും സംരക്ഷണവും ലഭിക്കുമെന്ന പ്രതീക്ഷയിലാണ് ഭിന്നശേഷിക്കാര്‍. ദുരുപയോഗം, അവഗണന, ചൂഷണം, വിവേചനം എന്നിവയില്‍നിന്ന് ഇവരെ സംരക്ഷിക്കുന്നതിനയി ഏകീകൃത സംവിധാനം കൊണ്ടുവരും. ഫാമിലി കെയര്‍ അതോറിറ്റിയുമായി ചേര്‍ന്ന് നടപ്പാക്കുന്ന പദ്ധതി ഭിന്നശേഷിക്കാര്‍ അഭിമുഖീകരിക്കുന്ന പെരുമാറ്റ, ആശയവിനിമയ, ശാരീരിക, പ്രശ്‌നങ്ങള്‍ കുറയ്ക്കുന്നതിനും സമൂഹത്തില്‍ തുല്യ അവസരം ഉറപ്പാക്കുന്നതിനും അവരെ സഹായിക്കും. ഭിന്നശേഷിക്കാരുടെ അവകാശങ്ങള്‍ സംരക്ഷിക്കുന്നതിനും അവസരങ്ങള്‍ ലഭ്യമാക്കുന്നതിനും ഈ നയങ്ങള്‍ സഹായിക്കുമെന്ന് ഡിസിഡി കമ്മ്യൂണിറ്റി ഡെവലപ്‌മെന്റ് സെക്ടര്‍ എക്‌സിക്യൂട്ടീവ് ഡയറക്ടര്‍ ഡോ. ലൈല അബ്ദുല്‍ അസീസ് അല്‍ ഹയാസ് വ്യക്തമാക്കി.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The United Arab Emirates (UAE) has established a comprehensive protection system for individuals with disabilities, ensuring their rights and well-being are safeguarded.