പാലക്കാട്: കെ.എസ്.ഇ.ബി. ഓഫിസേഴ്‌സ് അസോസിയേഷന്‍ ഏര്‍പ്പെടുത്തിയ ഊര്‍ജ കേരള അവാര്‍ഡിന് 'സുപ്രഭാതം' ഇടുക്കി ബ്യൂറോ ചീഫ് ബാസിത് ഹസന്‍ അര്‍ഹനായി. വൈദ്യുതിമേഖലയെ സംബന്ധിച്ച് പ്രസിദ്ധീകരിച്ച വാര്‍ത്തകളും ലേഖനങ്ങളും പരിഗണിച്ചാണ് അവാര്‍ഡ്. പതിനായിരം രൂപയും ഫലകവും പ്രശസ്തി പത്രവും അടങ്ങുന്ന അവാര്‍ഡ് മേയ് 13ന് പാലക്കാട് നടക്കുന്ന കെ.എസ്.ഇ.ബി ഓഫിസേഴ്‌സ് അസോസിയേഷന്‍ സംസ്ഥാന സമ്മേളനത്തില്‍ വച്ച് വൈദ്യുതിമന്ത്രി എം.എം. മണി വിതരണം ചെയ്യും. 

തൊടുപുഴ അന്തീനാട്ട് ഹസന്‍ റാവുത്തര്‍- നസീം ദമ്പതികളുടെ മകനാണ് ബാസിത് ഹസന്‍. ഭാര്യ ഷെമീം. റഈസ്, റൈഹാന്‍, ഇഫ എന്നിവര്‍ മക്കളാണ്.