കാലിഫോര്‍ണിയ: ഇന്റര്‍നെറ്റ് സേവനദാതാക്കളില്‍ ഭീമന്മാരില്‍ ഒന്നായ യാഹൂവിനെ വെരിസോണ്‍ സ്വന്തമാക്കി. 4.8 ബില്ല്യണ്‍ ഡോളറിനാണ് യാഹൂവിനെ വെരിസോണ്‍ സ്വന്തമാക്കുന്നത്. 2017ഓടുകൂടി ഏറ്റെടുക്കല്‍ പൂര്‍ത്തിയാവുമെന്ന് യാഹൂവിന്റെ നിലിവിലെ സി.ഇ.ഒ മരീസ മെയര്‍ പറഞ്ഞു.

 

 

[caption id="attachment_55231" align="alignnone" width="416"] യാഹൂ സി.ഇ.ഒ മെരീസ മെയര്‍[/caption]

യാഹൂവിനെ ഏറ്റെടുക്കുന്നതോടെ സെര്‍ച്ച് എന്‍ജിന്‍, ഇ-മെയില്‍ സെര്‍വീസ്, ഫോട്ടോ ഷെയറിങ് സൈറ്റായ ഫഌക്കര്‍, ബ്ലോഗിങ് പ്ലാറ്റ്‌ഫോം ആയ ടംബ്ലര്‍ എന്നിവ വെരിസോണിന് സ്വന്തമാവും. രണ്ടു ദശാബ്ദത്തോളം ഇന്റര്‍നെറ്റ് സേവനരംഗത്ത് മുടിചൂടാമന്നന്മാരായിരുന്നു യാഹൂ.
ചൈനയിലെ ഇ-കൊമേഴ്‌സ് ഭീമന്മാരായ ആലിബാബയില്‍ യാഹാവിനുള്ള ഷെയര്‍ കൈമാറ്റം ചെയ്യില്ല.

വെരിസോണ്‍: അമേരിക്കയിലെ ടെലികമ്മ്യൂണിക്കേഷന്‍സ്, ബ്രോഡ്ബാന്‍ഡ് സേവനദാതാക്കളാണ് വെരിസോണ്‍. 1983ല്‍ ബെല്‍ അറ്റ്‌ലാന്റിക് സ്ഥാപിച്ച് എ.ടി ആന്റ് ടി കോര്‍പ്പറേഷന്‍ ആണ് 2000ല്‍ വെരിസോണ്‍ ആകുന്നത്. ഡി.എസ്.എല്‍ സാങ്കേതികവിദ്യ ഉപയോഗിച്ച് ഇന്റര്‍നെറ്റ് നല്‍കുന്നവരാണ് വെറൈസണ്‍. ഫൈബര്‍ ഒപ്റ്റിക് ശൃംഖല മുഖേന ടി.വി ഇന്റര്‍നെറ്റ്, ടെലിഫോണ്‍ എന്നിവ സമന്വയിപ്പിച്ചുള്ള സേവനമാണ് വെരിസോണ്‍ ഫിയോസ്.