തൃശൂര്‍: തൃശൂര്‍ ജില്ലയിലെ ഹാജിമാര്‍ക്ക് വേണ്ടിയുള്ള രണ്ടാംഘട്ട ഹജ്ജ് പരിശീലന ക്ലാസ് തൃശൂര്‍ മാലിക്ക്ബ്‌നുദീനാര്‍ ഇസ്‌ലാമിക് കോംപ്ലക്‌സില്‍ നടന്നു.
ഷെമീര്‍ ബാഖവി ഖുര്‍ആന്‍ ഖിറാഅത്ത് നടത്തി. ജില്ലാ ക്രൈംബ്രാഞ്ച് അസിസ്റ്റന്റ് കമ്മീഷണര്‍ മുഹമ്മദ് ആരിഫ് ഉദ്ഘാടനം ചെയ്തു. എം.ഐ.സി സെക്രട്ടറി ഷംസുദ്ധീന്‍ അധ്യക്ഷനായി. ഓണമ്പിള്ളി മുഹമ്മദ് ഫൈസി മുഖ്യ പ്രഭാഷണം നടത്തി.
ജില്ലാ ഹജ്ജ് ട്രെയ്‌നര്‍ ഹബീബ് ആറ്റൂര്‍, മുന്‍ ഹജ്ജ് വളണ്ടിയര്‍ നൗഷാദ് മാള എന്നിവര്‍ ഹജ്ജിന്റെ സാങ്കേതികപരമായ ക്ലാസെടുത്തു. അസിസ്റ്റന്റ് ട്രെയ്‌നര്‍മാരായ അസീസ് പാടൂര്‍, സലീം തിരുനെല്ലൂര്‍, ഫാത്തിമ നാട്ടിക എന്നിവര്‍ പരിപാടിക്ക് നേതൃത്വം നല്‍കി. 2016 വര്‍ഷത്തെ ഹജ്ജ് വളണ്ടിയര്‍മാരായ ഇബ്രാഹിംകുട്ടി, നസീര്‍, കരീം എന്നിവര്‍ സന്നിഹിതരായിരുന്നു. ഈ വര്‍ഷം തൃശൂര്‍ ജില്ലയില്‍ നിന്ന് ഹജ്ജിന് പോകുന്ന 136 ഓളം ഹാജിമാര്‍ പ്രസ്തുത പരിപാടിയില്‍ പങ്കെടുത്തു.