കുന്ദമംഗലം: കാരന്തൂര്‍ മര്‍ക്കസ് പോളിയില്‍ വ്യാജ കോഴ്‌സിന്റെ മറവില്‍ 450ഓളം വിദ്യാര്‍ഥികളെ പെരുവഴിയിലാക്കിയ മാനേജ്‌മെന്റിന്റെ  വഞ്ചനയില്‍ പ്രതിഷേധിച്ച് നടക്കുന്ന സംയുക്ത വിദ്യാര്‍ഥി സമരത്തിന് പിന്തുണയുമായി കുന്ദമംഗലം നിയോജക മണ്ഡലം മുസ്‌ലിം യൂത്ത് ലീഗ് ഐക്യദാര്‍ഢ്യസദസ് നാളെ രാവിലെ പത്തിന് യൂത്ത്‌ലീഗ് സംസ്ഥാന ജനറല്‍ സെക്രട്ടറി പി.കെ ഫിറോസ് ഉദ്ഘാടനം ചെയ്യും. വിദ്യാര്‍ഥികളുടെ വിലപ്പെട്ട  മൂന്ന് വര്‍ഷവും ലക്ഷക്കണക്കിന് രൂപ ഫീസിനത്തിലും നഷ്ടപ്പെടുത്തി പ്രശ്‌നപരിഹാരത്തിന് ശ്രമിക്കാതെ മര്‍ക്കസ് അധികൃതരുടെ മുടന്തന്‍ ന്യായങ്ങള്‍ അംഗീകരിക്കാന്‍ സാധ്യമല്ലെന്നും ഈ വിഷയം ഉടനടി പരിഹരിച്ചില്ലെങ്കില്‍ പ്രക്ഷോഭ പരിപാടികള്‍ നടത്തുമെന്നും മുസ്‌ലിം യൂത്ത് ലീഗ് നിയോജകമണ്ഡലം പ്രവര്‍ത്തകസമിതി അറിയിച്ചു.
ഹഖീം മാസ്റ്റര്‍ കളന്‍തോട് അധ്യക്ഷനായി നിയോജകമണ്ഡലം മുസ്‌ലിം ലീഗ് പ്രസിഡന്റ് കെ. മൂസ മൗലവി യോഗം  ഉദ്ഘാടനം ചെയ്തു. ജനറല്‍ സെക്രട്ടറി ഖാലിദ് കിളിമുണ്ട ചര്‍ച്ചക്ക് നേതൃത്വം നല്‍കി. ദേശീയ സമിതിയംഗം യൂസുഫ് പടനിലം കെ.എം എ റഷീദ്,എ.കെ ഷൗക്കത്തലി, സമദ് പെരുമണ്ണ, ഒ.എം നൗഷാദ്, ഐ. സല്‍മാന്‍, നൗഷാദ്, വി.ഇ സിറാജുദ്ദീന്‍, കെ.പി സൈഫദ്ദീന്‍, ഒ. സലീം ,എന്‍.എം യൂസുഫ്,യു.എ ഗഫൂര്‍, നിസാര്‍ പെരുമണ്ണ, ഒ.പി ശരീഫ് സംസാരിച്ചു.