നെടുമങ്ങാട്: തൊളിക്കോട് പഞ്ചായത്തില്‍ എം.എല്‍.എയുടെ പ്രാദേശിക വികസന ഫണ്ടില്‍ നിന്നും 10 ലക്ഷം രൂപ വിനിയോഗിച്ച് നിര്‍മിച്ച തേവന്‍പാറ-ആലായിമുക്ക്-കോങ്കല്ലില്‍ റോഡിന്റെ ഉദ്ഘാടനം കെ.എസ്.ശബരീനാഥന്‍ എം.എല്‍.എ നിര്‍വഹിച്ചു. ബ്ലോക്ക് പഞ്ചായത്ത് മെംബര്‍ തോട്ടുമുക്ക് അന്‍സറിന്റെ അദ്ധ്യക്ഷതയില്‍ നടന്ന ചടങ്ങില്‍ ജില്ലാ പഞ്ചായത്തംഗം ആനാട് ജയന്‍, ബ്ലോക്ക് പഞ്ചായത്ത് വൈസ് പ്രസിഡന്റ്  എല്‍.റീന, ഗ്രാമപ്പഞ്ചായത്തംഗം എന്‍.എസ്.ഹാഷിം, തേവന്‍പാറ സാബു, വൈ.എം.സുധീര്‍, എം.എം.ബുഹാരി, പി.പുഷ്പാംഗദന്‍ നായര്‍, സലാഹുദ്ദീന്‍ പങ്കെടുത്തു.