അരൂര്‍: യാത്രക്കിടയില്‍ മാല അടങ്ങിയ ബാഗ് മോഷ്ടിച്ച രണ്ട് നാടോടി സ്ത്രീകള്‍ പൊലിസ് പിടിയില്‍. സേലം പ്രൈവറ്റ് ബസ്റ്റ് സ്റ്റാന്‍ഡിനു സമീപം താമസിക്കുന്ന അഞ്ജലി (28), ജ്യോതി (24) എന്നിവരെയാണ് ചൊവ്വാഴ്ച രാത്രി തോപ്പുംപടി പാരി ജങ്ഷനു സമീപം വച്ച് അരൂര്‍ എസ്.ഐ കെ.എന്‍ മനോജും സംഘവും പിടികൂടിയത്.
ചേര്‍ത്തലയില്‍നിന്നും അരൂര്‍ പള്ളിയിലേക്ക് വരുകയായിരുന്ന യാത്രകാരിയുടെ മാലയടങ്ങിയ പേഴ്‌സ് മോഷ്ടിക്കുകയായിരുന്നു. പേഴ്‌സില്‍ രണ്ടേകാല്‍ പവന്റെ മാലയും ആയിരം രൂപയും ഒരു മൊബൈല്‍ ഫോണുമാണ് ഉണ്ടായിരുന്നത്. പൊലിസ് പിടിലാകുമെന്ന് മനസിലാക്കിയ നാടോടി സ്ത്രീകള്‍ മാല വലിച്ചെറിഞ്ഞു. ആയിരം രൂപയും ഒരു മൊബൈല്‍ ഫോണുമാണ് പൊലിസിന് ലഭിച്ചത്. ഇവരെ ചേര്‍ത്തല കോടതിയാല്‍ ഹാജരാക്കി റിമാന്റ് ചെയ്തു.