കോണ്‍ഗ്രസ് ഭാരവാഹികളുടെയും ബ്ലോക്ക് പ്രസിഡന്റുമാരുടെയും യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം
മലപ്പുറം:  പാര്‍ട്ടി ഭാരവാഹിത്വത്തിനു പരിഗണിക്കേണ്ടതു മികച്ച സംഘാടകരെയാകണമെന്നു കോണ്‍ഗ്രസ് സംഘടനാ തെരഞ്ഞെടുപ്പിന്റെ സംസ്ഥാന റിട്ടേണിങ് ഓഫിസര്‍ സുദര്‍ശന്‍ നാച്ചിയപ്പ. അത്തരത്തില്‍ പ്രവര്‍ത്തിക്കുന്നവര്‍ ഭാരവാഹിത്വത്തിലേക്കു കടന്നുവരാന്‍തക്കവിധം കഴിവു മാനദണ്ഡമാക്കാന്‍ തയാറാകുന്നപക്ഷം കോണ്‍ഗ്രസ് കാലഘട്ടം ആവശ്യപ്പെടുന്ന ഉയരത്തിലേക്കു വരാന്‍ പ്രാപ്തമാകുമെന്നും അദ്ദേഹം പറഞ്ഞു. മലപ്പുറത്തു കോണ്‍ഗ്രസ് ഭാരവാഹികളുടെയും ബ്ലോക്ക് പ്രസിഡന്റുമാരുടെയും സംയുക്ത യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ജില്ലാ കോണ്‍ഗ്രസ് പ്രസിഡന്റ് വി.വി പ്രകാശ് അധ്യക്ഷനായി. മുരളീധര്‍ ഷെട്ടി, ശൂരനാട് രാജശേഖരന്‍, കെ.പി നൗഷാദലി സംസാരിച്ചു.