പനാജി: കേന്ദ്രത്തിലെ സ്ഥാനമാനങ്ങള്‍ക്കായി ഇനിയും സംസ്ഥാനരാഷ്ട്രീയം വിടാനില്ലെന്ന് ഗോവ മുഖ്യമന്ത്രി മനോഹര്‍ പരീക്കര്‍. സംസ്ഥാന രാഷ്ട്രീയം വിട്ട് വീണ്ടും കേന്ദ്രത്തിലേക്ക് നീങ്ങുമോയെന്നുള്ള ചോദ്യത്തിന് പ്രസക്തിയില്ലെന്നും സംസ്ഥാനത്തിന്റെ രാഷ്ട്രീയ പുരോഗതിക്കായാണ് തന്നെ നിയോഗിച്ചതെന്നും പരീക്കര്‍ പറഞ്ഞു.പനാജിയില്‍ നിയമസഭാ ഉപതെരഞ്ഞെടുപ്പില്‍ തനിക്ക് വിജയപ്രതീക്ഷയുണ്ടെന്നും അദ്ദേഹം പറഞ്ഞു.പനാജി എം.എല്‍.എ ആയിരുന്ന സിദ്ധാര്‍ഥ് കുങ്കോലിക്കാറാണ് പരീക്കറിന് മത്സരിക്കാനായി ബുധനാഴ്ച രാജിവച്ചത്.