ഡല്‍ഹി: ബോംബെ ഹൈക്കോടതിയിലെ ജസ്റ്റിസ് നിതിന്‍ ജാംദാറിനെ കേരള ഹൈക്കോടതി ചീഫ് ജസ്റ്റിസ് ആയി നിയമിച്ച് വിജ്ഞാപനം ഇറക്കി കേന്ദ്ര സര്‍ക്കാര്‍. വൈകാതെ തന്നെ ജസ്റ്റിസ് നിതിന്‍ ജാംദാര്‍ കേരള ഹൈക്കോടതി ചീഫ് ജസ്റ്റിസ് ആയി സത്യപ്രതിജ്ഞ ചെയ്ത് അധികാരമേല്‍ക്കും. 

ബോംബെ ഹൈക്കോടതിയിലെ ജസ്റ്റിസ് കെ.ആര്‍.ശ്രീറാമിനെ മദ്രാസ് ഹൈക്കോടതി ചീഫ് ജസ്റ്റിസ് ആയി നിയമിച്ച് കൊണ്ടും കേന്ദ്ര സര്‍ക്കാര്‍ വിജ്ഞാപനമിറക്കി. കേരള, മദ്രാസ് ഹൈകോടതികള്‍ കൂടാതെ ആറ് ഹൈകോടതികള്‍ക്ക് കൂടി പുതിയ ചീഫ് ജസ്റ്റിസുമാരെ നിയമിച്ചിട്ടുണ്ട്. ഹൈക്കോടതികളുടെ ചീഫ് ജസ്റ്റിസ് നിയമനം വൈകുന്നതിനെതിരെയുള്ള ഹരജി സുപ്രീം കോടതി അടുത്ത ആഴ്ച്ച പരിഗണിക്കാനിരിക്കെയാണ് കേന്ദ്രം നിയമന വിജ്ഞാപനം ഇറക്കിയത്.

മറ്റ് ചീഫ് ജസ്റ്റിസുമാര്‍ 

ജസ്റ്റിസ് രാജീവ് ശഖ്ദര്‍ (ഹിമാചല്‍ പ്രദേശ് ഹൈക്കോടതി)
ജസ്റ്റിസ് മന്‍മോഹന്‍ (ദില്ലി ഹൈക്കോടതി)
ജസ്റ്റിസ് തഷി റബ്സ്ഥാന്‍ (ജമ്മു ആന്റ് കശ്മീര്‍, ലഡാക്ക് ഹൈക്കോടതി)
ജസ്റ്റിസ് ഇന്ദ്ര പ്രസന്ന മുഖര്‍ജി (മേഘാലയ ഹൈക്കോടതി)
ജസ്റ്റിസ് എം.എസ് രാമചന്ദ്ര റാവു (ജാര്‍ഖണ്ഡ് ഹൈക്കോടതി)
ജസ്റ്റിസ് സുരേഷ് കുമാര്‍ കെയ്ത് (മധ്യപ്രദേശ് ഹൈക്കോടി)

The Central Government has issued a notification announcing Justice Nithin Jamdar's appointment as the Chief Justice of the Kerala High Court, marking a significant development in the state's judicial landscape.