മാഹിനാബാദ് (കാസര്‍കോട്): സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാന കലാമേളയില്‍ 181 പോയിന്റുമായി മലപ്പുറം ഈസ്റ്റ് മുന്നില്‍.
152 പോയിന്റുമായി മലപ്പുറം വെസ്റ്റ് ജില്ലയാണ് രണ്ടാം സ്ഥാനത്ത്. 139 പോയിന്റുമായി കണ്ണൂര്‍ മൂന്നാം സ്ഥാനത്തും 136 പോയിന്റുമായി ആതിഥേയ ജില്ലയായ കാസര്‍കോട് നാലാം സ്ഥാനത്തുമാണ്.
കേരളത്തിനകത്തും പുറത്തുനിന്നുമുള്ള ഇരുപതോളം ജില്ലകളിലെ സര്‍ഗപ്രതിഭകളാണ് ചട്ടഞ്ചാല്‍ മലബാര്‍ ഇസ്‌ലാമിക് കോംപ്ലക്‌സില്‍ നടക്കുന്ന മേളയില്‍ മാറ്റുരയ്ക്കുന്നത്. മലയാളത്തിന് പുറമെ ഉറുദു, കന്നഡ, തമിഴ് വിഭാഗങ്ങളിലും മത്സരമുണ്ട്. കലാമേള ഇന്ന് വൈകിട്ട് സമാപിക്കും.