തേഞ്ഞിപ്പലം: കാലിക്കറ്റ് സര്‍വകലാശാലയുടെ ബിരുദ പ്രവേശന ഒന്നാം അലോട്ട്‌മെന്റ് പ്രസിദ്ധീകരിച്ചു. അലോട്ട്‌മെന്റ്് ലഭിച്ചവര്‍ ജൂണ്‍ ഏഴിനകം മാന്‍ഡേറ്ററി ഫീസടച്ച് അലോട്ട്‌മെന്റ് ഉറപ്പാക്കണം. ജനറല്‍ 480 രൂപ, എസ്.സി.എസ്.ടി 115 രൂപ.
അലോട്ട്‌മെന്റ് ലഭിച്ച് നിര്‍ദ്ദിഷ്ട സമയപരിധിക്കുള്ളില്‍ മാന്‍ഡേറ്ററി ഫീസ് അടക്കാത്തവര്‍ക്ക് നിലവില്‍ ലഭിച്ച അലോട്ട്‌മെന്റ്് നഷ്ടമാവുന്നതും തുടര്‍ന്നുള്ള അലോട്ട്‌മെന്റ് പ്രക്രിയയില്‍ നിന്ന് പറുത്താവുന്നതുമാണ്. അലോട്ട്‌മെന്റ്് ലഭിച്ചവര്‍ രണ്ടാം അലോട്ട്‌മെന്റിന് ശേഷം മാത്രമേ അഡ്മിഷന്‍ എടുക്കേണ്ടതുള്ളൂ. ലഭിച്ച ഓപ്ഷനില്‍ തൃപ്തരായവര്‍ ഹയര്‍ ഓപ്ഷനുകള്‍ക്ക് പരിഗണിക്കേണ്ടതില്ലെങ്കില്‍ നിര്‍ബന്ധമായും ഹയര്‍ ഓപ്ഷന്‍ റദ്ദ് ചെയ്യണം. ഹയര്‍ ഓപ്ഷന്‍ നിലനിര്‍ത്തുന്ന പക്ഷം പ്രസ്തുത ഹയര്‍ ഓപ്ഷനുകളില്‍ ഏതെങ്കിലും ഒന്നിലേക്ക് തുടര്‍ന്ന് അലോട്ട്‌മെന്റ് ലഭിച്ചാല്‍ നിര്‍ബന്ധമായും സ്വീകരിക്കണം.
ഇതോടെ മുന്‍പ് ലഭിച്ച അലോട്ട്‌മെന്റ്് നഷ്ടപ്പെടുന്നതും പുനഃസ്ഥാപിച്ചു നല്‍കുന്നതുമല്ല. ഹയര്‍ ഓപ്ഷനുകള്‍ റദ്ദാക്കാന്‍ നോഡല്‍ സെന്ററുകള്‍ മുഖാന്തരമേ സാധ്യമാവുകയുള്ളൂ. ഹയര്‍ ഓപ്ഷനുകള്‍ ഭാഗികമായി റദ്ദാക്കുന്നതിന് വിദ്യാര്‍ഥികള്‍ക്ക് ലോഗിന്‍ ചെയ്ത് ആവശ്യമില്ലാത്ത ഓപ്ഷനുകള്‍ റദ്ദാക്കാവുന്നതാണ്.