പള്ളുരുത്തി: ചവര്‍ ഇടുന്നതിനെ ചൊല്ലിയുള്ള തര്‍ക്കത്തിനിടെ വീട്ടമ്മ കൊല്ലപ്പെട്ടു. പള്ളുരുത്തി ഇല്ലത്ത്‌നഗര്‍ വട്ടത്തറ വീട്ടില്‍ ബോസിന്റെ ഭാര്യ സുധര്‍മിണി (68) ആണ് കൊല്ലപ്പെട്ടത്.

സംഭവത്തില്‍ അയല്‍വാസി രാജേഷിനെ പൊലിസ് അറസ്റ്റ് ചെയ്തു. ഞായറാഴ്ച രാത്രി എട്ടോടെയാണ് സംഭവം.

വീടിനു സമീപത്ത് സുധര്‍മിണി ചവറുകള്‍ ഇടുന്നത് കണ്ട് ഓടിയെത്തിയ രാജേഷ് ആദ്യം ഇവരുടെ മകളുടെ മകനെ മര്‍ദിക്കുകയായിരുന്നു. ഇതു ചോദ്യംചെയ്ത സുധര്‍മിണിയെ തള്ളി താഴെയിടുകയായിരുന്നു. തലയിടിച്ചുവീണ സുധര്‍മിണിക്ക് പരുക്കേല്‍ക്കുകയും സമീപത്തെ ആശുപത്രിയില്‍ പ്രവേശിപ്പിക്കുകയും ചെയ്തു. ആശുപത്രിയില്‍ മരണപ്പെടുകയായിരുന്നു.