ശ്രീകൃഷ്ണപുരം: അമ്പത്തി ഏഴാമത് സുബ്രതോ മുഖര്‍ജി ഇന്റര്‍നാഷണല്‍ ഫുട്‌ബോള്‍ ടൂര്‍ണ്ണമെന്റിനുള്ള സെലക്ഷന്‍ ക്യാംപ് ശ്രീകൃഷ്ണപുരം ഹയര്‍ സെക്കന്‍ഡറി സ്‌കൂളില്‍ സമാപിച്ചു.പതിനാലു വയസിനു താഴെയുള്ള ആണ്‍കുട്ടികളുടെ വിഭാഗത്തില്‍ മലപ്പുറം ജില്ല കേരളത്തെ പ്രതിനിധീകരിക്കും. ഫൈനലില്‍ അവര്‍ തൃശൂരിനെ എതിരില്ലാത്ത നാല് ഗോളുകള്‍ക്ക് തോല്‍പ്പിച്ചു. മലപ്പുറത്തിന് വേണ്ടി എം.എസ്.പി ഹയര്‍സെക്കന്‍ഡറി സ്‌കൂളാണ് പ്രതിനിധീകരിച്ചത്. പതിനേഴ് വയസിനു താഴെയുള്ള ആണ്‍കുട്ടികളുടെ വിഭാഗത്തില്‍ കോഴിക്കോടും പെണ്‍കുട്ടികളുടെ വിഭാഗത്തില്‍ തിരുവനന്തപുരവും നേരത്തെ യോഗ്യത നേടിയിരുന്നു.