കണ്ണൂര്‍: ജനശ്രീ സുസ്ഥിരമിഷന്‍ വാര്‍ഷികാഘോഷങ്ങളുടെ ഭാഗമായി ജനശ്രീ കലാമേള കണ്ണൂര്‍ മുന്‍സിപ്പല്‍ ഹൈസ്‌കൂളില്‍ മുന്‍ മന്ത്രി കെ. സുധാകരന്‍ ഉദ്ഘാടനം ചെയ്തു. രചനാ മത്സരത്തിന്റെ ഉദ്ഘാടനം ചിത്രകാരന്‍ എബി എന്‍. ജോസഫ് നിര്‍വഹിച്ചു. ചന്ദ്രന്‍ തില്ലങ്കേരി അധ്യക്ഷനായി. ജില്ലാ സെക്രട്ടറി എം. രത്‌നകുമാര്‍, കേന്ദ്ര സമിതി അംഗങ്ങളായ വി.എന്‍ എരിപുരം, ഡോ. കെ.വി ഫിലോമിന, എം.കെ മോഹനന്‍, സി. രഘുനാഥ്, രാജീവന്‍ എളയാവൂര്‍, പി.സി രാമകൃഷ്ണന്‍, സുധീഷ് മുണ്ടേരി, കെ.സി ഗണേശന്‍ സംസാരിച്ചു. ഇന്ന് സമാപന സമ്മേളനം ഡി.സി.സി പ്രസിഡന്റ് സതീശന്‍ പാച്ചേനി ഉദ്ഘാടനം ചെയ്യും. തുടര്‍ന്ന് മട്ടന്നൂര്‍ ശിവദാസന്റെ നേതൃത്വത്തില്‍ കലാസന്ധ്യ നടക്കും.