HOME
DETAILS

അരിക്കണ്ടംപാക്ക് പാലം പ്രവൃത്തി പുരോഗമിക്കുന്നു; പാതയിലൂടെയുള്ള ഗതാഗതം നിരോധിച്ചു

  
backup
May 15 2017 | 00:05 AM

%e0%b4%85%e0%b4%b0%e0%b4%bf%e0%b4%95%e0%b5%8d%e0%b4%95%e0%b4%a3%e0%b5%8d%e0%b4%9f%e0%b4%82%e0%b4%aa%e0%b4%be%e0%b4%95%e0%b5%8d%e0%b4%95%e0%b5%8d-%e0%b4%aa%e0%b4%be%e0%b4%b2%e0%b4%82-%e0%b4%aa%e0%b5%8d


പട്ടിക്കാട്: അരിക്കണ്ടംപാക്ക് ചേപ്പൂര്‍ പാതയിലെ അരിക്കണ്ടംപാക്ക് പാലത്തിന്റെ പണി പുരോഗമിക്കുന്നു. പഴയപാലം പൂര്‍ണമായും നീക്കം ചെയ്താണ് പുതിയ പാലം നിര്‍മിക്കുന്നത്. കഴിഞ്ഞ ദിവസം പഴയപാലം പൊളിച്ചുനീക്കല്‍ തുടങ്ങി. ഇതോടെ പാതയിലൂടെയുള്ള ഗതാഗതം പൂര്‍ണമായും നിരോധിച്ചു. വാഹനങ്ങള്‍ക്ക് കൃഷ്ണ യു.പി സ്‌കൂളിന് പിറകുവശത്തെ പാതയിലൂടെ സഞ്ചരിച്ചാല്‍ മെയില്‍ റോഡില്‍ പ്രവേശിക്കാന്‍ കഴിയും.
40 വര്‍ഷത്തോളം പഴക്കമുള്ള പാലം തകര്‍ച്ചാ ഭീഷണിയിലായിരുന്നു. റോഡിന് അനുസൃതമായി പാലത്തിന് വീതിയില്ലാത്തത് അപകടങ്ങള്‍ക്കും കാരണമായിരുന്നു. ബസ് റൂട്ടുകള്‍ ഉള്‍പ്പടെ നിരവധി വാഹനങ്ങളാണ് ഇതിലെ സഞ്ചരിക്കുന്നത്. ആയിരത്തിലേറെ വിദ്യാര്‍ഥികള്‍ പഠിക്കുന്ന സ്‌കൂളും പാലത്തിനടുത്താണ് സ്ഥിതി ചെയ്യുന്നത്.
പാലം പുന നിര്‍മിക്കണമെന്ന ജനകീയ ആവശ്യം ശക്തമായിരുന്നു. തുടര്‍ന്നാണ് എം.ഉമ്മര്‍ എം.എല്‍.എയുടെ ആസ്തി വികസന ഫണ്ടില്‍ നിന്ന് തുക അനുവദിച്ചത്.
രണ്ട് മാസം മുന്‍പാണ് പാലം പണിയുടെ പ്രാരംഭ നടപടികള്‍ ആരംഭിച്ചത്. നിലവിലെ പാലത്തിനേക്കാള്‍ ഉയരത്തിലും വീതിയിലുമാണ് പുതിയ പാലം നിര്‍മിക്കുക. ഇതിനുസൃതമായി അനുബന്ധ റോഡുകളുടെ പണിയും നടക്കുന്നുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."