ന്യൂഡല്‍ഹി: വന്നു വന്ന് ഒരു കാര്‍ വാങ്ങുന്നതിനേക്കാള്‍ ചിലവാണ് ടി.വി വാങ്ങാന്‍ എന്ന അവസ്ഥയായി. സാംസങ്ങിന്റെ പുതിയ ഈ ടി.വി വാങ്ങുന്ന പണത്തിന് നല്ല ഒരു കാര്‍ തന്നെ വാങ്ങാം എന്നാവും എല്ലാവരുടെയും ചിന്ത. എന്നാല്‍ അത് ടി.വിക്ക് പകരമാവില്ലല്ലോ. സാംസങ്ങ് ഈയിടെ അവതരിപ്പിച്ച ഏറ്റവും പുതിയ മോഡല്‍ ക്യു.എല്‍.ഇ.ഡി സ്മാര്‍ട് ടി.വിക്ക് 3.14 ലക്ഷം മുതലാണ് വില. സൗത്ത് കൊറിയന്‍ കമ്പനിയുടെ 55 ഇഞ്ച് ടി.വിയുടെ വിലയാണിത്. എന്നാല്‍ അത് 88 ഇഞ്ചിലെത്തുമ്പോള്‍ വില 24.99 ലക്ഷത്തിലെത്തും. ആശ്ചര്യപ്പെടേണ്ട, ഇത്ര വില കൊടുത്തും ടി.വി വാങ്ങാന്‍ ആളുണ്ട്.

മെയ് 21 വരെ ഈ ടി.വി ബുക്ക് ചെയ്യുന്നവര്‍ക്ക് സാംസങ് ഗ്യാലക്‌സി എസ്8 (ഗോള്‍ഡ്) ഫോണും സൗജന്യമായി ലഭിക്കും. വളരെ കട്ടി കുറഞ്ഞ മൃദുവായ മെറ്റല്‍ ബോഡിയാണ് ഇതിനുള്ളത്. എല്ലാവിധ സ്മാര്‍ട്‌ഫോണുകളിലുള്ള സൗകര്യങ്ങള്‍ സജ്ജമായ ടി.വി ക്യു8,ക്യു7 എന്നീ മോഡലുകളിലാണ് പുറത്തിറങ്ങുന്നത്. 55,65,75 ഇഞ്ചുകളിലാണ് ടി.വി അവതരിപ്പിച്ചിരിക്കുന്നത്.