താമരശേരി: ചെമ്പ്ര ഗവ. എല്‍.പി സ്‌കൂളില്‍ പൂര്‍വവിദ്യാര്‍ഥി സംഗമം സംഘടിപ്പിച്ചു. സ്‌കൂളിനെ മികവുറ്റതാക്കാന്‍ വിവിധ പദ്ധതികളും പരിപാടിയില്‍ അവതരിപ്പിച്ചു. നാട്ടുകാരുടെയും പൂര്‍വവിദ്യാര്‍ഥികളുടെയും നേതൃത്വത്തിലാണ് പദ്ധതികള്‍ നടപ്പിലാക്കുന്നത്.
പഞ്ചായത്ത് വൈസ് പ്രസിഡന്റ് കെ.സി മാമു മാസ്റ്റര്‍ ഉദ്ഘാടനം ചെയ്തു. വാര്‍ഡ് മെംബര്‍ അഡ്വ. ഒ.കെ അഞ്ജു അധ്യക്ഷയായി. എസ്.എസ്.എല്‍.സി പരീക്ഷയില്‍ എല്ലാവിഷയങ്ങളിലും എ പ്ലസ് കരസ്ഥമാക്കിയ സ്‌കൂളിലെ പൂര്‍വവിദ്യാര്‍ഥികളായ സി.കെ മുഹമ്മദ് ഷാഹുല്‍, സി.കെ മുഹമ്മദ് ഷാമില്‍, ടി. റിന്‍ഷിദ ഷെബിന്‍ എന്നിവരെയും സ്‌കൂളിന്റെ മാസ്റ്റര്‍ പ്ലാന്‍ തയാറാക്കിയ ഡിസൈനര്‍ വി.സി ബിനേഷിനെയും ചടങ്ങില്‍ അനുമോദിച്ചു. പൊതുവിദ്യാലയം മികവിന്റെ കേന്ദ്രം എന്ന വിഷയത്തില്‍ കോഴിക്കോട് ഡയറ്റ് ലക്ചറര്‍ യു.കെ അബ്ദുള്‍ നാസര്‍ ക്ലാസെടുത്തു. ജനറല്‍ കണ്‍വീനര്‍ ഒ.പി ഉണ്ണി സ്വാഗതം പറഞ്ഞു. പ്രധാനാധ്യാപിക മോളി ഫ്രാന്‍സിസ്, പി.കെ.സൈദ് മുഹമ്മദ്, പി.ടി.എ പ്രസിഡന്റ് പി.കെ സത്യന്‍, ടി.കെ.അരവിന്ദാക്ഷന്‍, പി.കെ മുഹമ്മദ് ഹാജി, ടി.കെ വിനോദ്കുമാര്‍, പി. ഗിരീഷ്‌കുമാര്‍, കെ.പി ശിവദാസന്‍,പി.കെ രാധാകൃഷ്ണന്‍, കെ.പി ഹരിദാസന്‍, ഉസ്മാന്‍ പി ചെമ്പ്ര, കെ.എന്‍ മനോജ് സംസാരിച്ചു. പി.കെ ആയിശ, പൂര്‍വാധ്യാപകരായ ഒ.പി അബ്ദുള്ള, വി.ടി ഹൈദരലി, ഷാന്‍കട്ടിപ്പാറ, കലാം എന്നിവരെ പൊന്നാടയണിയിച്ച് ആദരിച്ചു.യഹ്‌യാ ഖാന്‍ നന്ദി പറഞ്ഞു.