ഫറോക്ക്: നഗരസഭ 38ാം ഡിവിഷന്‍ ഇരിയംപാടം ഉപതെരഞ്ഞെടുപ്പ് യു.ഡി.എഫ് ക്യാംപില്‍ ആവേശത്തിര തീര്‍ത്തു മുന്‍മുഖ്യമന്ത്രി ഉമ്മന്‍ചാണ്ടിയുടെ പര്യടനം. ഇരിയംപാടത്തു നടന്ന കുടുംബയോഗത്തിലേക്ക് ഇന്നലെ രാവിലെ പത്തോടെയാണ് അദ്ദേഹം എത്തിയത്. യു.ഡി.എഫ് സ്ഥാനാര്‍ഥി മുസ്്‌ലിം ലീഗിലെ ഹനീഫക്കു കോണിചിഹ്നത്തില്‍ വോട്ടഭ്യാര്‍ഥിച്ചു. നാട്ടില്‍ സമാധാനമുണ്ടാകണമെങ്കില്‍ യു.ഡി.എഫ് ഭരണം വേണമെന്നു കുടുംബയോഗം ഉദ്ഘാടനം ചെയ്തു അദ്ദേഹം പറഞ്ഞു. യു.ഡി.എഫ് തെരഞ്ഞെടുപ്പ് കമ്മിറ്റി കണ്‍വീനര്‍ അബ്ദുല്‍ ഹക്കീം അധ്യക്ഷനായി. മുസ്‌ലിം ലീഗ് സംസ്ഥാന സെക്രട്ടറി എം.സി മായിന്‍ ഹാജി, ഡി.സി.സി പ്രസിഡന്റ് അഡ്വ. ടി. സിദ്ദീഖ്, ലീഗ് ജില്ലാ പ്രസിഡന്റ് ഉമര്‍ പാണ്ടികശാല, കെ.സി അബു, ടി. സുഹറാബി, വൈസ്‌ചെയര്‍മാന്‍ വി. മുഹമ്മദ് ഹസ്സന്‍, എന്‍.സി അബ്ദുള്‍ റസാഖ്, കെ.കെ ആലിക്കുട്ടി, കെ.എം ബഷീര്‍, പി. ഹാഷിഫ്, കെ. കൃഷ്ണകുമാര്‍, തസ്‌വീര്‍ ഹസ്സന്‍, കെ.പി നിഷാദ്, നിയാസ്,  അഷ്‌കര്‍ ഫറോക്ക്, ഷംസീര്‍ കരുവന്‍തരുത്തി സംസാരിച്ചു.