തിരുവനന്തപുരം: പുനര്‍ മൂല്യനിര്‍ണയത്തിനോ, ഉത്തരക്കടലാസുകളുടെ പകര്‍പ്പിനോ, സൂക്ഷ്മ പരിശോധനയ്‌ക്കോ 25വരെ അപേക്ഷിക്കാം.
ഇരട്ട മൂല്യനിര്‍ണയം നടന്ന ഫിസിക്‌സ്, കെമിസ്ട്രി, മാത്തമാറ്റിക്‌സ് എന്നീ വിഷയങ്ങള്‍ക്ക് പുനര്‍മൂല്യനിര്‍ണയവും സൂക്ഷ്മപരിശോധനയും ഉണ്ടായിരിക്കില്ല. എന്നാല്‍ ഈ വിഷയങ്ങളുടെ ഉത്തരക്കടലാസ് പകര്‍പ്പിന് അപേക്ഷിക്കാവുന്നതാണ്. അപേക്ഷകള്‍ വിദ്യാര്‍ഥികള്‍ പരീക്ഷ എഴുതിയ കേന്ദ്രങ്ങളില്‍ തന്നെയാണ് സമര്‍പ്പിക്കേണ്ടത്. അപേക്ഷാ ഫോമിന്റെ മാതൃക സ്‌കൂളുകളിലും ഹയര്‍ സെക്കന്‍ഡറി പോര്‍ട്ടലിലും ലഭ്യമാണ്. പുനര്‍മൂല്യനിര്‍ണയത്തിന് 500 രൂപയും ഉത്തരക്കടലാസിന്റെ പകര്‍പ്പിന് 300 രൂപയും സൂക്ഷ്മ പരിശോധനയ്ക്ക് 100 രൂപയുമാണ് പേപ്പറൊന്നിനുള്ള ഫീസ്.