കാസര്‍കോട്: പഴയ ചൂരി ജുമാ മസ്ജിദിനകത്ത് വച്ച് കൊലചെയ്യപ്പെട്ട റിയാസ് മുസ്‌ലിയാരുടെ കുടുംബത്തിന് മുസ്‌ലിം ലീഗ് കാസര്‍കോട് ജില്ലാ കമ്മിറ്റി നിര്‍മിച്ച് നല്‍കുന്ന വീടിന്റെ കുറ്റിയടിക്കല്‍ കര്‍മം സയ്യിദ് മുഹമ്മദ് ഷമീം തങ്ങള്‍ കുമ്പോല്‍ നിര്‍വഹിച്ചു.
കൊട്ടംമ്പടി ആസാദ് നഗറില്‍ വിലക്ക് വാങ്ങിയ പതിനൊന്ന് സെന്റ് സ്ഥലത്താണ് വീട് നിര്‍മിച്ച് നല്‍കുന്നത്.
ചടങ്ങില്‍ മുസ്‌ലിം ലീഗ് ജില്ലാ പ്രസിഡന്റ് ചെര്‍ക്കളം അബ്ദുല്ല, സംസ്ഥാന വൈസ് പ്രസിഡന്റ് സി.ടി അഹമ്മദലി, ജില്ലാ ജനറല്‍ സെക്രട്ടറി എം.സി ഖമറുദ്ദീന്‍, ട്രഷറര്‍ എ. അബ്ദുല്‍ റഹ്്മാന്‍, ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍, റിയാസ് മുസ്‌ലിയാരുടെ
പിതാവ് സുലൈമാന്‍, ഭാര്യാ പിതാവ് ഇബ്രാഹിം, പഞ്ചായത്തംഗം എച്ച്.എ ഹംസ, ടി.ഇ അബ്ദുല്ല, കല്ലട്ര മാഹിന്‍ ഹാജി, കെ.ഇ.എ ബക്കര്‍, എം. അബ്ദുല്ല, യഹ്‌യ തളങ്കര, അഷ്‌റഫ് എടനീര്‍, എ.എം കടവത്ത്, അബ്ദുല്ല കുഞ്ഞി, എം.ടി.പി കരീം, മാഹിന്‍ കേളോട്ട്, സി.ബി അബ്ദുല്ല ഹാജി സംബന്ധിച്ചു.