നരിക്കുനി: മടവൂര്‍ സി.എം മഖാം 29ാം ഉറൂസ് മുബാറക്കിന് ഉജ്വല സമാപനം.തിങ്കളാഴ്ച രാത്രി നടന്ന ദിക്‌റ് ദുആ സമ്മേളനം പാണക്കാട് സയ്യിദ് സാദിഖലി ശിഹാബ്' തങ്ങള്‍ ഉദ്ഘാടനം ചെയ്തു. വാവാട് പി.കെ കുഞ്ഞിക്കോയ മുസ്‌ലിയാര്‍ നേതൃത്വം നല്‍കി. അതാ ഉള്ള തങ്ങള്‍ മഞ്ചേശ്വരം, അബ്ദുല്‍ വാഹിദ് മുസ്‌ലിയാര്‍ അത്തിപ്പറ്റ, വഖ്ഫ് ബോര്‍ഡ് മെമ്പര്‍ എം.സി മായിന്‍ ഹാജി, ജില്ലാ പഞ്ചായത്ത് മെമ്പര്‍ എം.എ ഗഫൂര്‍ മാസ്റ്റര്‍ തുടങ്ങിയവര്‍ സംസാരിച്ചു. സി.എം കുഞ്ഞി മാഹിന്‍ മുസ്‌ലിയാര്‍ അധ്യക്ഷനായി. യു. ശറഫുദ്ധീന്‍ മാസ്റ്റര്‍ സ്വാഗതവും ഫൈസല്‍ ഫൈസി നന്ദിയും പറഞ്ഞു.
ഇന്നലെ കാലത്ത് ആറു മുതല്‍ വൈകിട്ട് ആറു വരെ നടന്ന അന്നദാന പരിപാടിയില്‍ ആയിരങ്ങള്‍ക്ക് ഭക്ഷണ വിതരണം നടത്തി. വി.സി റിയാസ് ഖാന്‍ , എ.പി നാസര്‍ മാസ്റ്റര്‍, വി.പി.സി ഇസ്മാഈല്‍ മാസ്റ്റര്‍, മില്ലത്ത് ബഷീര്‍, എ.പി യൂസുഫലി, പി.യു മുഹമ്മദ് സ്വാലിഹ്, വി. ശാഫി, എ.പി മുഹമ്മദ് തുടങ്ങിയവര്‍ നേതൃത്വം നല്‍കി.