തിരുവനന്തപുരം: കടകംപള്ളി ഭൂമി തട്ടിപ്പുകേസില്‍ ഉമ്മന്‍ചാണ്ടിയുടെ മുന്‍ഗണ്‍മാന്‍ സലിംരാജ് അടക്കമുള്ളവരെ കുറ്റവിമുക്തരാക്കിയ നിലപാടില്‍ ഉറച്ച് സി.ബി.ഐ. സലിംരാജും ഭാര്യ ഷംഷദും അടക്കം എഫ്.ഐ.ആറില്‍ പേരുണ്ടായിരുന്ന 22 പേരെ കുറ്റപത്രത്തില്‍ നിന്ന് ഒഴിവാക്കിയ സി.ബി.ഐ നടപടിയെ കോടതി വിമര്‍ശിച്ചിരുന്നു. ഇവരെ ഒഴിവാക്കിയതിനു കാരണം വ്യക്തമാക്കിയിട്ടില്ലെന്നു ചൂണ്ടിക്കാട്ടി തിരുവനന്തപുരം പ്രത്യേക സി.ബി.ഐ കോടതി കുറ്റപത്രം മടക്കിയിരുന്നു. ഈ സാഹചര്യത്തില്‍ ഇന്നോ നാളെയോ അധിക കുറ്റപത്രം സമര്‍പ്പിക്കാനാണ് സി.ബി.ഐയുടെ തീരുമാനം.