കൊല്ലം: കൊട്ടാരക്കര വാളകത്ത് കെ.എസ്.ആര്‍.ടി.സി ബസും കോണ്‍ക്രീറ്റ് മിക്സര്‍ വണ്ടിയും കൂട്ടിയിടിച്ച് ബസിന് തീപിടിച്ചു. ബസില്‍ ഉണ്ടായിരുന്ന രണ്ട് പേര്‍ക്ക് പൊള്ളലേറ്റു. പതിനൊന്ന് പേര്‍ക്ക് പരുക്കേറ്റു.

രണ്ടേ മുക്കാലോടെയായിരുന്നു അപകടമെന്നാണ് വിവരം. പരുക്കേറ്റവരെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. വണ്ടികള്‍ രണ്ടും കത്തിനശിച്ച അവസ്ഥയിലാണ്. ഫയര്‍ഫോഴ്സ് സ്ഥലത്തെത്താന്‍ വൈകിയെന്ന പരാതിയുമായി നാട്ടുകാര്‍ രംഗത്തെത്തിയിട്ടുണ്ട്.

പരുക്കേറ്റവരെ പൊലിസിന്റെ നേതൃത്വത്തിലാണ് ആശുപത്രിയില്‍ പ്രവേശിപ്പിച്ചത്. അപകടത്തെക്കുറിച്ച് കൂടുതല്‍ വിവരങ്ങള്‍ ലഭ്യമായിട്ടില്ല.