വണ്ടൂര്‍: തിരുവാലി മേലേകോഴിപ്പറമ്പിലെ റബര്‍ പശ നിര്‍മാണ ഫാക്ടറിയിലുണ്ടായ തീപിടിത്തത്തില്‍ ലക്ഷങ്ങളുടെ നാശനഷ്ടം. പുലത്ത് അബ്ദുല്‍ മജീദിന്റെ ഉടമസ്ഥതയിലുള്ള ഫാക്ടറിയിലാണ് തീപിടിത്തമുണ്ടായത്.
ബെയ്‌സ് കെമിക്കല്‍ തിളപ്പിക്കുന്നതിനിടെ ടാര്‍ പ്ലാന്റിലേക്കു തീ പടരുകയായിരുന്നു. ഉടന്‍തന്നെ തിരുവാലിയില്‍നിന്ന് അഗ്നിശമന യൂനിറ്റ് സ്ഥലത്തെത്തിയതിനാല്‍ ഫാക്ടറിയിലെ മറ്റു ഭാഗങ്ങളിലേക്കു തീ പടര്‍ന്നില്ല. എ.എസ്.ടി.ഒ മുനവ്വര്‍ സമാന്‍, ലീഡിങ് ഫയര്‍മാന്‍ അബ്ദുല്‍ നസീര്‍, ഫയര്‍മാന്‍ ഹബീബ് റഹ്മാന്‍, പി. ഫിറോസ്, വി. വിജേഷ് ഉണ്ണി, ഡ്രൈവര്‍ അശോകന്‍, ഹോംഗാര്‍ഡ് അബ്ദുസലാം എന്നിവരുടെ നേതൃത്വത്തിലാണ് തീയണച്ചത്.
രണ്ടു ലക്ഷം രൂപയുടെ നഷ്ടം കണക്കാക്കുന്നു.