ദില്ലി: നോട്ട് നിരോധനത്തിന്റെ നാലാം വാര്‍ഷികത്തില്‍ മുന്‍ തീരുമാനത്തെ ന്യായീകരിച്ച് പ്രധാനമന്ത്രി നരേന്ദ്ര മോദി വീണ്ടും. നികുതി നടപടികള്‍ കൂടുതല്‍ സുതാര്യമാക്കി രാജ്യത്തിന്റെ പുരോഗതിക്ക് നോട്ട് നിരോധനം കാരണമായെന്ന് പ്രധാനമന്ത്രി പറഞ്ഞു. കള്ളപ്പണം കുറക്കാനായെന്നും അദ്ദേഹം പറഞ്ഞു.

നോട്ട് നിരോധനം കള്ളപണത്തിനു എതിരായ അക്രമണം ആയിരുന്നുവെന്ന് ബിജെപി ദേശീയ വക്താവും രാജ്യസഭാംഗവുമായ രാജീവ് ചന്ദ്രശേഖര്‍ അഭിപ്രായപ്പെട്ടു. നോട്ട് നിരോധനം സാമ്പത്തിക രംഗത്തെ ശുദ്ധീകരിച്ചു. അസംഘടിത മേഖലയ്ക്ക് നേരിട്ട് സഹായമെത്തിക്കുന്ന സംവിധാനം ഉണ്ടായി. സര്‍ക്കാരിനു വലിയ വരുമാന വര്‍ദ്ധനയ്ക്ക് നോട്ട് നിരോധനം വഴി തുറന്നുവെന്നും അദ്ദേഹം പറഞ്ഞു