കെയ്‌റോ: ഈജിപ്ത് മുന്‍ പ്രസിഡന്റ് മുഹമ്മദ് മുര്‍സിയെ ഖബറടക്കി. കിഴക്കന്‍ കെയ്‌റോവിലെ മദീനത്ത് നസ്‌റില്‍ കുടുംബത്തിന്റെ സാന്നിധ്യത്തിലായിരുന്നു ഖബറടക്കമെന്ന് അദ്ദേഹത്തിന്റെ അഭിഭാഷകരിലോരാള്‍ എ.എഫ്.പിയോട് പറഞ്ഞതായി അല്‍ജസീറ റിപ്പോര്‍ട്ട് ചെയ്യുന്നു. മയ്യിത്ത് നമസ്‌ക്കാരവും മറ്റും തോറ ജയില്‍ ആശുപത്രിയില്‍ വച്ചായിരുന്നുവെന്നും റിപ്പോര്‍ട്ടുകള്‍ പറയുന്നു.

കഴിഞ്ഞ ദിവസമാണ് വിചാരണക്കിടെ മുര്‍സി കുഴഞ്ഞു വീണ് മരിച്ചത്. അധുനിക ഈജിപ്തിലെ ആദ്യ ജനാധിപത്യ ഭരണാധികാരിയായിരുന്നു അദ്ദേഹം.