നന്തിബസാര്‍: കൊയിലാണ്ടി മണ്ഡലം ദുബൈ കെ.എം.സി.സിയുടെ ആഭിമുഖ്യത്തില്‍ നിര്‍ധനരായ കുടുംബത്തിന് തയ്യല്‍ മെഷീന്‍ വിതരണവും മൂടാടി പഞ്ചായത്തില്‍ നിന്ന് എം.ബി.ബി.എസ് പാസായവര്‍ക്കുള്ള അവാര്‍ഡ് വിതരണവും നടത്തി. കെ.പി മൂസ അധ്യക്ഷനായി. തയ്യല്‍ മെഷീന്‍ വിതരണം സംസ്ഥാന ലീഗ് ട്രഷറര്‍ പി.കെ.കെ ബാവ നിര്‍വഹിച്ചു. അവാര്‍ഡ്  ദാനം പയ്യോളി നഗരസഭാ ചെയര്‍പേഴ്‌സന്‍ അഡ്വ. പി. കുല്‍സു നിര്‍വഹിച്ചു.
     കെ.പി.സി.സി സെക്രട്ടറി എന്‍. സുബ്രഹ്മണ്യന്‍, വെങ്ങളം റഷീദ്, മഠത്തില്‍ അബ്ദുറഹ്മാന്‍, ഒ.കെ ഫൈസല്‍, നൗഫല്‍ നന്തി, എ. അസീസ് മാസ്റ്റര്‍, ജബ്ബാര്‍ കൊല്ലം, സമീര്‍ പയ്യോളി, ഫസല്‍ തങ്ങള്‍, ഹാഷിം കോയ വി, പി.വി കരീം, റഫീഖ് ആയോത്ത, ദുബൈ കെ.എം.സി.സി നേതാക്കളായ എന്‍.കെ ഇബ്‌റാഹിം, ഒ.കെ ഇബ്‌റാഹിം സംസാരിച്ചു.