പൂച്ചാക്കല്‍: പുതിയതായി നിര്‍മിച്ച പാണാവള്ളി കുന്നുപറമ്പ് ജുമാ മസ്ജിദിന്റെ ഉദ്ഘാടനം ഇന്ന് നടക്കും. ഇതിനോടനുബന്ധിച്ച് മൂന്നദിവസം മതപ്രഭാഷണ പരമ്പരയും ബുര്‍ദ മജ് ലിസും നടക്കും. ഉദ്ഘാടന ദിവസത്തെ മഗ്‌രിബ് നമസ്‌കാരത്തിന് സയ്യിദ് ഇബ്രാഹീം ഖലീല്‍ അല്‍ ബുഖാരി നേതൃത്വം നല്‍കും.
വൈകിട്ട് നടക്കുന്ന പൊതുസമ്മേളനം കുഴിവേലിപ്പടി എ.പി. അഹമ്മദ് നൂര്‍ മുസല്യാര്‍ ഉദ്ഘാടനം ചെയ്യും. മഹല്ല് പ്രസിഡന്റ് എന്‍.കെ.സഈദ് അധ്യക്ഷതവഹിക്കും. പാനൂര്‍ സയ്യിദ് ഹാമിദ് ബാഖവി തങ്ങള്‍, സയ്യിദ് വി.പി.എ തങ്ങള്‍ ദാരിമി ആട്ടീരി, കെ.സി.വേണുഗോപാല്‍ എംപി., അഡ്വ: എ.എം.ആരിഫ് എം എല്‍ എ, എം.വൈ.അബ്ദുല്ല ദാരിമി, കോട്ടൂര്‍ കാട്ടുപുറം മഹല്ല് പ്രസിഡന്റ് മൂസല്‍ ഫൈസി, റവ.ഫാ.നിക്ലോ വാസ് പുന്നക്കല്‍, തിളയാപറമ്പ് ക്ഷേത്രം ശാന്തി ഷാജി തുടങ്ങിയവര്‍ സംസാരിക്കും.