വെള്ളാങ്കല്ലൂര്‍: എസ്.വൈ.എസ്, എസ്.കെ.എസ്.എസ്.എഫ് വെള്ളാങ്കല്ലൂര്‍ മേഖല സംയുക്തമായി കരൂപ്പടന്ന ഹാജി പള്ളി മദ്രസയില്‍ വച്ച് അര്‍ദ്ധ ദിന തസ്‌കിയത് ക്യാംപും കരിയര്‍ ഗൈഡന്‍സും സംഘടിപ്പിച്ചു.
 കെ.എ മുഹമ്മദ് ഹാജി പതാക ഉയര്‍ത്തി. ആദ്യ സെഷനില്‍ സിറാജുദ്ധീന്‍ ഫൈസി പ്രാര്‍ഥന നടത്തി. പി.ബി ഷാജഹാന്‍ മൗലവി സ്വാഗതം പറഞ്ഞു. കെ.പി സൈനുദ്ധീന്‍ ഫൈസി ഉദ്ഘാടനം നിര്‍വഹിച്ചു. സി.പി മുഹമ്മദ് ഫൈസി അധ്യക്ഷനായി. ശാഹുല്‍ മാസ്റ്റര്‍ പഴുന്നാന കരിയര്‍ ഗൈഡന്‍സിന് നേതൃത്വം നല്‍കി. ആത്മീയം സെഷനില്‍ ദഅവത്ത് കര്‍മ്മ പഥത്തില്‍ എന്ന വിഷയം സുബൈര്‍ സഅദിയും ആദര്‍ശ സെഷനില്‍ സംഘാടനം ആദര്‍ശം എന്ന വിഷയം ശിഹാബുദ്ധീന്‍ മുസ്‌ലിയാര്‍ മൂന്നുപീടികയും അവതരിപ്പിച്ചു. കെ.എ അബ്ദുല്‍ ഖാദര്‍ മുസ്‌ലിയാര്‍, മുഹമ്മദ് യൂനുസ് ഫൈസി, ടി.മുഹമ്മദ് കുട്ടി മുസ്‌ലിയാര്‍, കെ.എ മുഹമ്മദ് ഫൈസി, അബ്ദുസ്സമദ് ദാരിമി, ഹാഫിള് ഹംസ മുസ്‌ലിയാര്‍, പി.കെ.എം അഷറഫ്, വി.ഐ ഇസ്മാഈല്‍, എം.എസ് അബ്ദുറസാഖ് മുസ്‌ലിയാര്‍ സംബന്ധിച്ചു.