കുറ്റ്യാടി: ഗ്ലാസ് കട്ടു ചെയ്യുന്നതിനിടെ ഗ്ലാസ് അട്ടി ദേഹത്തേക്ക് വീണ് കടയുടമയ്ക്ക് ദാരുണാന്ത്യം. കുറ്റ്യാടി തൊട്ടില്‍പ്പാലം റോഡിലെ വി.ടി ഗ്ലാസ് മാര്‍ട്ട് കടയുടമ ചെറിയകുമ്പളം വടക്കേടത്ത് ജമാലാണ്(55) മരിച്ചത്.
സംഭവ സമയം ഒപ്പമുണ്ടായിരുന്ന മകന്‍ ജംഷിദിനെ പരുക്കുകളോടെ ആശുപത്രിയില്‍ പ്രവേശിപ്പിച്ചു.
ഇന്ന് രാവിലെ 9.30ഓടെയാണ് അപകടം. വിവരമറിഞ്ഞു പൊലിസും ചേലക്കാട് നിന്ന് ഫയര്‍ ഫോഴ്‌സും സ്ഥലത്തെത്തി. ഫയര്‍ ഫോഴ്‌സാണ് ഗ്ലാസ് നീക്കി മൃതദേഹം പുറത്തെടുത്തത്. വന്‍ ജനാവലിയും സംഭവസ്ഥലത്തെത്തി.
മൃതദേഹം കുറ്റ്യാടി ഗവ. താലൂക്ക് ആശുപത്രി മോര്‍ച്ചറിയിലേക്ക് മാറ്റി.

സംഭവത്തില്‍ ദുഃഖ സൂചകമായി ഇന്ന് കുറ്റ്യാടിയില്‍ വ്യാപാരികള്‍ കടകള്‍ അടച്ചു ഹര്‍ത്താല്‍ ആചരിക്കുകയാണ്.