ചേന്ദമംഗല്ലൂര്‍: സംസ്‌കാര കച്ചേരി സംഘടിപ്പിച്ച രണ്ടാമത് സെവന്‍സ് ഫുട്‌ബോള്‍ മേളയില്‍ ഫൈനല്‍ മത്സരത്തില്‍ ഈസ്റ്റ് എഫ്.സി ചേന്ദമംഗല്ലൂരിനെ പരാജയപ്പെടുത്തി യുനൈറ്റഡ് പുല്‍പ്പറമ്പ് ട്രോഫി കരസ്ഥമാക്കി.
വിജയികള്‍ക്കുള്ള കെട്ടില്‍ ചന്ദ്രന്‍ സ്മാരക പ്രൈസ് മണിയും മണയംപുറത്ത് രാജന്‍ സ്മാരക ട്രോഫിയും മുക്കം എസ്.ഐ സനല്‍രാജ് വിതരണം ചെയ്തു. റണ്ണറപ്പിനും മറ്റ് വിജയികള്‍ക്കുമുള്ള അരിമ്പ്ര ഉണ്ണിമോയിന്‍കുട്ടി സ്മാരക പ്രൈസ് മണിയും കിഴക്കേ തൊടികയില്‍ ഗോപാലന്‍ നായര്‍ സ്മാരക ട്രോഫിയും മുക്കം നഗരസഭാ ഉപാധ്യക്ഷ ഹരീദാ മോയിന്‍കുട്ടി, വികസന സ്റ്റാന്‍ഡിങ് കമ്മിറ്റി ചെയര്‍മാന്‍ കെ.ടി ശ്രീധരന്‍ എന്നിവര്‍ സമ്മാനിച്ചു. ടൂര്‍ണമെന്റ് ചെയര്‍മാന്‍ ഒ.കെ സാമി, കണ്‍വീനര്‍ കെ.ടി ഷാജി, സംസ്‌കാര കച്ചേരി പ്രസിഡന്റ് പി.കെ ശശികുമാര്‍, സെക്രട്ടറി ഗോപാലന്‍ മാസ്റ്റര്‍, സി. കുഞ്ഞുമോന്‍, കെ. രാജേഷ് സംസാരിച്ചു.