തൊടുപുഴ:  കാസര്‍ക്കോട് നടന്ന 14 ാമത് സംസ്ഥാന ഇസ്‌ലാമിക് കലാമേളയില്‍ ജില്ലയില്‍ നിന്നും പങ്കെടുത്ത് മികച്ച വിജയം നേടിയ പ്രതിഭകളെ സമസ്ത കേരള ജംഇയത്തുല്‍ മുഅല്ലിമീന്‍, എസ്.വൈ.എസ് ജില്ലാ കമ്മിറ്റികള്‍ സംയുക്തമായി ആദരിച്ചു.
സീനിയര്‍ വിഭാഗം അറബി ഗാനത്തില്‍ എ ഗ്രേഡ് നേടിയ വണ്ണപ്പുറം നൂറുല്‍ ഇസ്ലാം മദ്രസയിലെ വിദ്യാര്‍ഥി ബിന്‍യാമിന്‍ യൂസുഫിനേയും സൂപ്പര്‍ സീനിയര്‍ വിഭാഗം അറബി ഗാനത്തില്‍ എ ഗ്രേഡ് നേടിയ അല്‍ത്വാഫിനേയുമാണ് ആദരിച്ചത്.
ജില്ലാ നേതാക്കളായ  എ.എച്ച്. ഷാജഹാന്‍ മൗലവി, ഹാഷിം ബാഖവി എന്നിവര്‍ മെമന്റോ നല്‍കി. അബ്ദുല്‍ കബീര്‍ റഷാദി, ഹനീഫ് കാശിഫി, സ്വാലിഹ് അന്‍വരി, അബദുല്‍ കരീം മൗലവി, ഇസ്മായില്‍ മൗലവി പാലമല, അബ്ദുറഹ്മാന്‍ സഅ്ദി, നിസാര്‍ മൗലവി, പി.എസ്. സുബൈര്‍, അബ്ദുറഹ്മാന്‍ പുഴക്കര, പി.ഇ. ഹുസൈന്‍ പങ്കെടുത്തു.