ന്യൂഡല്‍ഹി: ഇന്ത്യയുടെ മലയാളി താരം പി.ആര്‍ ശ്രീജേഷിന് പകരം ഹോക്കി ടീമിനെ മന്‍പ്രീത് സിങ് നയിക്കും. ജര്‍മനിയില്‍ നടക്കുന്ന ത്രിരാഷ്ട്ര ടൂര്‍ണമെന്റിനും ലണ്ടനില്‍ നടക്കുന്ന ലോക ഹോക്കി ലീഗ് സെമി ഫൈനലിനുമുള്ള ഇന്ത്യന്‍ ടീമിന്റെ ക്യാപ്റ്റനായാണ് മന്‍പ്രീതിനെ നിയമിച്ചത്. കാല്‍ മുട്ടിനേറ്റ പരുക്കിനെ തുടര്‍ന്ന് ശ്രീജേഷിന് വിശ്രമമനുവദിച്ചതിനാലാണ് പകരം മന്‍പ്രീതിന് നറുക്ക് വീണത്. 18 അംഗ സംഘത്തെയാണ് തിരഞ്ഞെടുത്തത്. ജൂണ്‍ ഒന്ന് മുതലാണ് ത്രിരാഷ്ട്ര ടൂര്‍ണമെന്റ്. ഇന്ത്യ, ജര്‍മനി, ബെല്‍ജിയം ടീമുകളാണ് മാറ്റുരയ്ക്കുന്നത്. ലോക ഹോക്കി ലീഗ് സെമി ഫൈനല്‍ പോരാട്ടങ്ങള്‍ ജൂണ്‍ 15 മുതലാണ് ആരംഭിക്കുന്നത്. കാനഡ, ഹോളണ്ട്, പാകിസ്താന്‍, സ്‌കോട്‌ലന്‍ഡ് ടീമുകള്‍ ഉള്‍പ്പെട്ട പൂള്‍ ബിയിലാണ് ഇന്ത്യ.