മുട്ടില്‍: വാര്യാട് ഒറ്റമ്പംമൂലയില്‍ അംഗന്‍വാടിയില്‍ ആശാവര്‍ക്കറുടെ ഒഴിവിലേക്ക് മുന്‍കാലങ്ങളില്‍ ജോലി ചെയ്തവരെ നിയമിക്കാതെയും സര്‍ക്കാര്‍ നിയമിച്ച പ്രകാരം അപേക്ഷ പോലും സ്വീകരിക്കാതെയും ആശാവര്‍ക്കാര്‍മാരെ നിയമിച്ചതിലൂടെ നടത്തിയ അഴിമതി അന്വേഷിക്കണമെന്ന് വാര്യാട് മുസ്‌ലിംലീഗ് യോഗം ആവശ്യപ്പെട്ടു. വിജിലന്‍സ് അടക്കമുള്ള അധികാരികള്‍ക്ക് പരാതി നല്‍കാനും യോഗം തീരുമാനിച്ചു.
24ന് മുട്ടില്‍ പഞ്ചായത്ത് ലീഗ് നടത്തുന്ന പഞ്ചായത്ത് ഓഫിസ് ധര്‍ണ വിജയിപ്പിക്കാനും യോഗം തീരുമാനിച്ചു. സി മായിന്‍കുട്ടി ഉദ്ഘാടനം ചെയ്തു. കെ.പി സുലൈമാന്‍ അധ്യക്ഷനായി. ഇബ്‌റാഹിം തെനേരി, സി.പി ലത്തീഫ്, പി സുഹൈല്‍, എന്‍ ശിഹാബുദ്ദീന്‍ സംസാരിച്ചു. നജീബ്‌റഹിമാന്‍ എം.എ നന്ദിയും പറഞ്ഞു.