കോഴിക്കോട്: സുപ്രഭാതം പ്രചരണ കാമ്പയിന്റെ ഭാഗമായി ഏറ്റവും കൂടുതല്‍ വരിക്കാരെ ചേര്‍ത്ത മദ്രസക്ക് കൂടത്തായി ഇസ്ലാമിക് ദഅവാ സെന്റര്‍ നല്‍കുന്ന കോട്ടുമല ബാപ്പു മുസ്‌ലിയാര്‍ സ്മാരക അവാര്‍ഡ് കണ്ണൂര്‍ ജില്ലയിലെ തുവ്വക്കുന്ന് ഹിദായത്തു സ്വിബ് യാന്‍ മദ്രസക്ക് ഐ ഡി സി പ്രസിഡന്റ് കൂടിയായ സയ്യിദ് ഹൈദറലി ശിഹാബ് തങ്ങള്‍ സമര്‍പ്പിച്ചു.മദ്രസക്ക് വേണ്ടി ആര്‍.വി.അബൂബക്കര്‍ യമാനിയും അസീസ് യമാനിയും ഏറ്റുവാങ്ങി. മൊമെന്റോയും 5001 രൂപയുമാണ് ഒന്നാം സ്ഥാനത്തിനുള്ള അവാര്‍ഡ്.

സുപ്രഭാതം ട്രഷറര്‍ സയ്യിദ് ഹമീദലി ശിഹാബ് തങ്ങള്‍ അധ്യക്ഷത വഹിച്ചു. ഡയറക്ടര്‍ ഉമ്മര്‍ ഫൈസി മുക്കം, സി.ഇ.ഒ മുസ്തഫ മുണ്ടുപാറ, ഡയറക്ടര്‍ നാസര്‍ ഫൈസി കൂടത്തായി, എന്‍.അബ്ദുല്ല മുസ്ലിയാര്‍, വി.എം.ഉമ്മര്‍ മാസ്റ്റര്‍, മലയമ്മ അബൂബക്കര്‍ ഫൈസി, കെ.എന്‍.എസ്.മൗലവി പി.സി.കുഞ്ഞാലന്‍കുട്ടി ഫൈസി ,ഒ.പി.അഷ്‌റഫ്, സുബൈര്‍ മാസ്റ്റര്‍ കുറ്റിക്കാട്ടൂര്‍ സംബന്ധിച്ചു.