പുതുനഗരം : സ്‌കൂള്‍ സമയങ്ങളില്‍ ടിപ്പറുകള്‍ സര്‍വീസ് നടത്തുന്നത് വ്യാപകമാകുന്നു. മുതലമട, കൊല്ലങ്കോട്, പല്ലശ്ശന, പുതുനഗരം കൊടുവായൂര്‍ പെരുവമ്പ തത്തമംഗലം വടവന്നൂര്‍ എന്നീ പ്രദേശങ്ങളിലാണ് ഒരു വയസായ കുട്ടിക്ക് തയ്യാറായി സ്‌കൂള്‍ സമയങ്ങളില്‍ വ്യാപകമായതോതില്‍ ടിപ്പറുകളുടെ അമിതവേഗത്തിലുള്ള സര്‍വീസ് നടക്കുന്നത്. ഇതിനെതിരെ പിടിഎ കമ്മിറ്റികള്‍ രക്ഷിതാക്കള്‍ വിദ്യാര്‍ത്ഥി സംഘടനകള്‍ എന്നിവര്‍ അധികൃതര്‍ക്ക് പരാതികള്‍ നല്‍കിയെങ്കിലും നടപടി ഉണ്ടായിട്ടില്ല. മുതലമട പഞ്ചായത്തില്‍ നണ്ടന്‍ കിഴായയിലും ചുള്ളിയാര്‍മേട്ടിലുമാണ് രാവിലെ ഏഴു മണി മുതല്‍ പത്തു മണി വരെ നൂറിലധികം ടിപ്പറുകള്‍ സര്‍വീസ് നടത്തുന്നത്. അമിതവേഗതയില്‍ ക്വാറിഉല്‍പ്പന്നങ്ങളുമായി സര്‍വീസ് നടത്തുന്നതിനാല്‍ റോഡിലൂടെയുള്ള വിദ്യാര്‍ത്ഥികള്‍ ഭീതിയോടെയാണ് സഞ്ചരിക്കുന്നത്.
സ്‌കൂള്‍ സമയങ്ങളില്‍ പോലീസിനെയും മോട്ടോര്‍ വാഹന വകുപ്പിന്റെയും വാഹന പരിശോധനകള്‍ സ്‌കൂള്‍ പരിസരങ്ങളില്‍ നടത്തണമെന്നും സ്‌കൂള്‍ സമയങ്ങളില്‍ സര്‍വീസ് നടത്തുന്ന ടിപ്പറുകള്‍ ക്കെതിരെ നിയമനടപടി സ്വീകരിക്കണമെന്നും നാട്ടുകാര്‍ ആവശ്യപ്പെട്ടു.