അങ്കാറ: റഷ്യയില്‍നിന്ന് എസ് 400 മിസൈല്‍ പ്രതിരോധ വാഹനം വാങ്ങുന്നതില്‍നിന്ന് പിന്മാറില്ലെന്ന് തുര്‍ക്കി. മിസൈല്‍ ഇടപാട് രാജ്യത്തിന്റെ പരമാധികാരവുമായി ബന്ധപ്പെട്ടതാണെന്ന് പ്രസിഡന്റ് റജബ് ത്വയ്യിബ് ഉര്‍ദുഗാന്‍ പറഞ്ഞു. തീരുമാനത്തില്‍നിന്ന് പിന്മാറില്ല. മിസൈല്‍ കൈമാറ്റം അടുത്ത മാസത്തോടെ ആരംഭിക്കുമെന്നും അദ്ദേഹം പറഞ്ഞു. റഷ്യയില്‍നിന്ന് എസ് 400 വാങ്ങുന്നതിനെതിരേ യു.എസ് രംഗത്തെത്തിയിരുന്നു. തുര്‍ക്കിക്കെതിരേ ഉപരോധമേര്‍പ്പെടുത്തുമെന്നും എഫ് 35 യുദ്ധ വിമാനം കൈമാറില്ലെന്നും യു.എസ് തുര്‍ക്കിയെ ഭീഷണിപ്പെടുത്തിയത്.