തൃശ്ശൂര്‍: സി.പി.എം നേതാവ് എ.വിജയരാഘവന്റെ ഭാര്യയെ വൈസ് പ്രിന്‍സിപ്പല്‍ ആക്കിയതില്‍ പ്രതിഷേധിച്ച് തൃശൂര്‍ കേരളവര്‍മ കോളജിലെ പ്രിന്‍സിപ്പല്‍ ജയദേവന്‍ രാജിവെച്ചു. ഇതാദ്യമായാണ് കേരള വര്‍മയില്‍ വൈസ് പ്രിന്‍സിപ്പലിനെ നിയമിക്കുന്നത്. യു.ജി.സി മാനദണ്ഡമനുസരിച്ചാണ് വൈസ് പ്രിന്‍സിപ്പലിന്റെ നിയമനമെന്നാണ് ദേവസ്വത്തിന്റെ വിശദീകരണം. വൈസ് പ്രിന്‍സിപ്പലിനെ നിയമിക്കാനുള്ള സാഹചര്യം എന്താണെന്നും തന്നോട് കൂടിയാലോചിക്കാതെയാണ് വൈസ് പ്രിന്‍സിപ്പലിനെ നിയമിച്ചതെന്നും പ്രിന്‍സിപ്പലായിരുന്ന ജയദേവന്‍ വ്യക്തമാക്കി. രണ്ട് അധികാര കേന്ദ്രങ്ങള്‍ ഉണ്ടാകുന്നത് ഭരണ പ്രതിസന്ധി ഉണ്ടാക്കുമെന്നും സ്ഥാനം ഒഴിഞ്ഞു ദേവസ്വത്തിനയച്ച കത്തില്‍ ജയദേവന്‍ ചൂണ്ടിക്കാട്ടുന്നുണ്ട്.

ഇവിടെ എ.വിജയരാഘവന്റെ ഭാര്യ പ്രൊഫ.ബിന്ദുവിനെ ഏതാനും ദിവസം മുമ്പാണ് വൈസ് പ്രിന്‍സിപ്പലായി നിയമിച്ചത്. പ്രിന്‍സിപ്പലിന്റെ അധികാരം വൈസ് പ്രിന്‍സിപ്പലിന് വീതിച്ച് നല്‍കിയിരുന്നു.
ഏഴ് വര്‍ഷം കൂടി കാലാവധിയുള്ളപ്പോഴാണ് ജയദേവന്‍ പ്രിന്‍സിപ്പല്‍ സ്ഥാനമൊഴിയുന്നത്.